Inicio > Encamientos > Especialidaes pa estes fiestes
EncamientosGastronomía

Especialidaes pa estes fiestes

Les nueses sidreríes tán a puntu escomenzar una de les etapes con más actividá n’Asturies, y esa ye la de les fiestes navidiegues. Y ye que precisamente ye nesta temporada cuando se cocinen los meyores guisos del nuesu país como la fabada, los callos o’l pote; pero tamién onde’l llechazu y el gochucu tienen un llugar especial na nuesa mesa. Y nun podemos escaecer el pex del Cantábricu nin tampoco’l mariscu… les cetáries tán enllenándose d’esti ricu manxar. 

 

Miravalles, Sidrería-Parrilla. Xixón

Bona cocina, productu y atención

Ensin dulda esta sidrería tien escelentes cualidaes pa escoyela si deseyamos comer bien y esfrutar cola nuesa familia o amigos. El llocal, rexentáu por Katy Jianu, ta asitiáu n’una escelente fastera de Xixón,  bien céntrica y a pocos metros de la sablera. Nel so ampliu llocal ufierten una curiada cocina tradicional poniendo especial pricuru nel productu. Cunten con pexe fresco, esquisitos mariscos; y si lo que mos gusta ye la carne, tamién tienen parrilla. Les sidres son Menéndez y Val d’Ornón; y echa J. Alberto Viña. 

Direición: La Playa, 6

T. 985 086 616

Xefe cocina y parrilleru: Vali Semem y Juan Carlos

Horariu cocina: De 13:00 a 00:00 hrs.

Descansu: Martes

Suxerencies: Pexe y mariscu fresco;  tamién ufierten estremaes carnes a la parrilla

 

Dakar, Sidrería. Xixón

Calidá como bandera

¡Felices fiestes quier deseyar a los sos veceros esta sidrería! Y nun son pocos, yá que convirtióse n’un de los llocales más frecuentaos de la ciudá. Y más agora cola so recién reforma, que lu dexó más modernu, pero ensin perder el so prestosu ambiente familiar. D’equí destacamos la calidá de la so materia primo,  cuantimás del pexe y mariscu (cunten con cetária); y el so acuridiada ellaboración. Tamién, la bona rellación calidá, preciu y cantidá qu’ufierten. Les sidres: Arbesú, Cabueñes, L’Allume, Frutos y Val de Boides

Direición: Juan Alonso, 11

T. 985 35 76 70

Propietarios: Marcos González y Dunia Llanes

Horariu cocina: 12:00 a 17:00 y 20:00 a zarru

Descansu: Miércoles y xueves pela mañana, sacántenes en víspora de festivu.  Facebook Sidrería Dakar ya Instagram Sidrería Dakar

 

Casa Oliva, Parrilla-Restaurante-Merenderu. Xixón

Calidá y esperiencia n’asaos

¡Qué gusto atopase con sitios asina en Xixón! Curien los detalles al másimu y eso nótase tantu nel so llocal, como na so cocina, y, poques gracies, nel tratu al veceru. Hai que destacar les sos carnes colloraes a la parrilla, o’l gochucu y el llechazu que tresnen al fornu lleña. Y como especialidá, ufierten corderu a la estaca los sábados, domingos y festivos. Estes navidaes va tar abiertu en Nuechibona fasta les 18:00 hores p’atención de los veceros y recoyía de menús.  Tamién van abrir en Nuechivieya y Añu Nuevu.

 

 

 

 

El Rinconín de Deva, Sidrería-Merenderu. Xixón

Fiel al so orixe y a la tradición

MENÚ DÍI DE NAVIDÁ

Entrantes: Crema d’andariques Primeros: Lasaña de llagostinos o arroz con cogordes y xabalín.

Segundos: Llinguáu rellenu de mariscu o cabritu guisáu con patatines.

Too por 19 euros ya inclúi postre y dulces navidiegos. ¡Y nestes fiestes lleva a casa corderu y gochucu a la estaca! Tiénenlo pa llevar en Nuechibona, Navidá, Nuechivieya y Añu Nuevu.

Direición: Camín de la Rionda, 76

T. 985 365 677

Horariu cocina: De 12:00 a 24:00 hrs, ininterrumpíu

Descansu: Nun preslla por descansu

FB El Rinconín de Deva /web: www.merenderorinconindeva.es

 

El Lavaderu, Bar-tienda, Sidrería. Xixón

Emblema de Cimavilla

Ye un de los sitios míticos de la ciudá, emblema de Cimavilla y llocal qu’hai que conocer si tas de visita. Paez, incluso, que los sos murios rellaten hestories de vieyos pescadores d’esti antiguu barriu; y por ello les sos especialidaes faen honor a la cocina de la mar. Nesti llugar, rexentáu por Horacio Álvarez y Roberto Campumanes, tamién se guisa y abondo bien. Por esti motivu, munchos de los sos veceros decántense polos platos de cuyar. Les sidres qu’echen son Menéndez, la DOP Val d’Ornón y Llagar de Quintana

Direición: Periodista Arturo Arias, 1

T. 984 840 449

Xefe cocina: Fernando Navareño

Horariu cocina: De 12:00 a 16:00 y 20:00 a 24:00

Descansu: Llunes

Suxerencies: Pexe al fornu y caldereta; carrilleres en mueyu de chocolate

 

Onde Tomás, sidrería. Xixón

El gustu de la cocina bien tresnao

Avérense les fiestes y si daqué mos gusta a los asturianos ye compartir una bona mesa colos nuesos. Eso sábenlo perfechamente nesta sidrería, polo que s’esmeren al máximu en tresnar los tradicionales platos de la cocina asturiana como tien que ser… con ciñu, a poco fueu y con bon productu. Si mos gusta la caza esti ye’l nuesu sitiu. Y si queremos pexe tamién, pero hai que pidilos por encargu pa garantizar la so calidá. Sidre natural: Peñón, Peñón DOP y Viuda de Angelón. Esplumoses: Pomar y Viuda de Angelón. 

Direición: Saavedra, 42

T. 684 654 598

Xefa cocina: Estrella Vázquez

Horariu cocina: 13:00 a 16:00 y 20:00 a 00:00

Descansu: Miércoles

Suxerencies: Caces de gochu, toa triba de carnes de caza, tortos de ‘la mio güela’ y pexe per encargu

 

La Volanta, Sidrería. Xixón

Esperiencia, creatividá, productu

Si mos adientramos nel mundiu gastronómicu, de xacíu que tenemos que conocer el nome de Javi Marcos. Les sos creaciones con base na cocina tradicional llograron siempres bones crítiques tantu de comensales como de la prensa especializao. Esto, xuncío cola creatividá que-y carauteriza y l’escelente productu, fai que dir a La Volanta seya una más que prestosa esperiencia. Y entá ye más si lu acompanguen Mónica Hurtado y el xoven cocineru Fran Marcos. Sidre: Menéndez, Llagar de Quintanta y la DOP Val d’Ornón

Direición: Teodoro Cuesta, 1

T. 985 746 263

Xefe cocina: Javi Marcos

Horariu cocina: 13:00 a 16:00 y 20:00 a 24:00

Descansu: Llunes 

Especialidaes: Arroz con carabineros, caza y cogordes, ensaladilla de bugre, cetária de mariscos, alta pastelería casera

 

Continental, Café-Bar. Llugones, Siero

Pa esfrutar a lo grande

Esti chigre cunta con una amplia ufierta gastronómica que lu fai ser un de los más allegaos de la ciudá. Ente les sos especialidaes destaquen les hamburgueses. Tán bien tresnaes, con pan artesano y con carne de gran calidá yá seya pitu, xatu, búfalu o Angus. Los sos callos caseros tamién tienen fama, lo mesmo que les caces de gochu y cachopos. Pero hai más, como’l so pinchu d’escalopinos, el de carne guisao, la tortiella de pataca… a la fin,  hai que conocelu. Sidre: Alma de Trabanco, Roxmut y Angelón Llimón

Direición: Antonio Machado, 31

T. 984 83 97 11

Xefe cocina: Pablo Ladra

Horariu cocina: Martes y xueves de 13:00 a 16:00 y de 19:30 a 23:30 hrs. Vienres a domingu de 13:00 a 16:30 y 20:00 a 24:00 hrs. 

Descansu: Llunes 

Suxerencies: Hamburgueses especiales de la casa, callos y caces de gochu caseros en temporada

 

El Paneru, Sidrería. Xixón

Los meyores menús pa estes Navidaes

El Paneru, allugáu n’El Cerilleru, apuesta por una cocina tradicional na que destaquen les carnes y, sobromanera, el pexe y mariscu. Cola llegada de les Navidaes, esta sidrería, rexentada dende fai más de dos décades por José Manuel Álvarez, ufierta menús pa llevar en Nuechibona y Nuechivieya. Los comensales puen faer la so reserva y pasar a buscalos dempués del serviciu de comíes del 24 y del 31 d’avientu. Tamién ufierten pa llevar, raciones de la so deliciosa sopa mariscu y cualisquier de los platos presentes nos menús. Pa recuperar fuerces, presllen por descansu’l 25 d’avientu y el 1 de xineru.

Direición: Alejandro Farnesio, 3. Xixón

  1. 985 320 505

Xefe cocina: Emiliano

Horariu cocina: 13.00 a 16.00 y de 20.00 a 24.00

Descansu: Llunes

Suxerencies: Pexe y mariscu del Cantábricu en cetária propia, llubina xabaz y bonitu en toles sos variedaes. En carnes colloraes, chuletón de vaca vieya gallega.

(Visited 744.086 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies