Inicio > Sin categoría > Los mediaores de seguros brinden con sidre pa un fin solidariu
Sin categoría

Los mediaores de seguros brinden con sidre pa un fin solidariu

El Colexu d’estos profesionales va llevar a cabu la iniciativa esti vienres nel que se sirvirá Sidra Trabanco

¡Cómo presta que nestes fiestes les empreses y organismos asturianos apuesten polo nueso! El Colexu de Mediadores de Seguros d’Asturies cellebra’l vienres 20 d’avientu a les 13 hores una nueva edición del so tradicional Brinde Solidariu. Esta iniciativa, qu’esti añu cumple la so sétima edición, convirtióse yá n’una tradición navidiega que ca añu axunta a un mayor númberu de colexaos, representantes d’estremaes compañíes aseguradores, provisores y empreses que, d’un mou o otru collaboren col Colexu.

Como n’ediciones anteriores, la iniciativa cunta cola collaboración desinteresao de Sidra Trabanco y Malena Catering. El Brinde Solidariu simboliza’l compromisu y responsabilidá d’esta organización y los colexaos que la integren cola sociedá. «Trátase d’una iniciativa que sofita aiciones solidaries d’interés xeneral rializaes por entidaes non llucratives qu’apurren un beneficiu pa la sociedá. Esta aición ye una parte esencial de la estratexa de Responsabilidá Social Corporativa del Colexu», apunta’l so presidente, Reinerio A. Sarasúa . Tolos asistentes al Brinde Solidariu 2019 collaboren con un donativu, qu’esti añu va dir destináu a ‘Una ciudá pa toos’, y p’aquellos que quieran amestasea esta iniciativa pero nun puedan averase a brindar ponse en marcha, un añu más, la llamada “copa 0”.

(Visited 2.466.849 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies