Inicio > Eventos > Concursu Semeyes LA SIDRA > Fallu del XV Concursu Semeyes LA SIDRA
Concursu Semeyes LA SIDRACultura sidreraEventosFototeca

Fallu del XV Concursu Semeyes LA SIDRA

Primer Premiu XV Concursu Semeyes LA SIDRA

El vienres 12 de mayu, na sidrería La Galana de Xixón, van apurrise los premios d’esti prestixosu certame, entamáu pola revista LA SIDRA, col patrociniu del llagar Sidra JR y la collaboración d’Asemeyando y la Fundación Asturies XXI

LA SIDRA.- Esti certame, de gran prestixu nacional ya internacional, que xira alrodiu, la mazana y la so cultura, recibió, nesta la so decimoquinta edición, un total de 292 semeyes de 102 participantes, qu’unviaron les sos obres dende quince países distintos repartíos per cuatro continentes.

Fotografíes d’oríxenes tan esóticos como Azerbaiyán, Brasil, Rusia, Cuba, Irán o Bangladesh compartieron espaciu con otres veníes de llugares que mos resulten más conocíos nel ámbetu sidreru, como Portugal, Francia o Italia.

Dempués d’Asturies y d’España, los países de los que más semeyes se recibieron a concursu fueron de Rusia y Arxentina.

Na primer fase del concursu’l xuráu, que tuvo presidíu por Luis José Vigil-Escalera y compuestu tamién por Pedro Gutiérrez, Esther Freile, Marta Menéndez y Mª del Carme Pérez, escoyéronse un total de 44 obres, que pasaron a concursar na final.

Segundu Premiu XV Concursu Semeyes LA SIDRA

Los ganadores definitivos falláronse’l pasáu 7 de marzu, tres una segunda ronda del mesmu xuráu. Amás de los premiaos, los venti primeros clasificaos van formar parte d’una esposición itinerante que se va esibir en centros culturales, d’arte y sidreríes.

El primer premiu, dotáu con 700 euros y la medalla d’oru CEF (Confederación Española de Fotografía) foi a parar a Arturo Rodríguez, d’Uviéu, pola so obra ‘Splash’.

El segundu, consistente en 200 euros y la medalla plata CEF, otorgar a Analía Pello, tamién d’Uviéu, pola so fotografía ‘Osixenando’.

El bronce foi para la obra ‘El Pendilexu’, del autor valencianu Jaime Espinosa, que recibió una dotación económica de 100 euros amás de la correspondiente medalla bronce CEF.

Tercer Premiu XV Concursu Semeyes LA SIDRA

Finalmente, apurrióse una Mención Especial Premiu J.R  consistente en 100 euros y dos caxes de sidre d’esti llagar, collaborador nel concursu. El mesmu foi concedíu al fotógrafu Jose María García, de Sabadell, pol so trabayu col entítulu ‘Recuerdo’.

La ceremonia d’entrega de premios va tener llugar, como yá ye costume, na Sidrería La Galana, allugada na Plaza Mayor de Xixón, a les ocho la tardi del vienres 12 de mayu.

Nesi momentu va nagurase tamién la nueva esposición coles venti meyores semeyes d’esta edición, incluyendo los premiaos; la mesma va poder visitase en La Galana demientres los prósimos meses.

 

 

Premiu JR. XV Concursu Semeyes LA SIDRA


(Visited 2.445.332 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies