Inicio > Encamientos > Primer Sidre de Cangues
EncamientosEventosLlagaresSidreturismu

Primer Sidre de Cangues

Del 19 al 21 de xunetu va cellebrase nel Parque Riera, Cangues d’Onís, la que sedrá la so ‘Primer Sidre’ un eventu nel que la sidre y la so cultura van ser los protagonistes

LA SIDRA.- Pa quien conozan la Primera Sidre L’Añu que lleva 14 ediciones cellebrándose en Xixón, lo que camuda ye’l sitiu y la fecha, pa quien nun la conozan desplicar que básicamente trátase d’una espicha, espresión principal de la cultura asturiana de la sidre alredior de la cuala tienen llugar una serie d’actividaes complementaries propies de la mesma (tonada, talleres d’echar sidre, d’ellaboración de sidre, d’esportes tradicionales…).

El sistema de furrulamientu ye bien cenciellu, a la entrada asítiase una pulsera de la Primera Sidre (10 €, menores de 8 años gratis) cola que pue entrase y salir llíbremente al recintu, y que da derechu a probar tola sidra que se quiera de la ventena de sidres  que van tar a dimponsición de los asistentes, y esfrutase de les estremaes actividaes que se rialicen a lo llargo del díi, toes elles rellacionaes cola sidre y la so cultura, con  especial atención a les actividaes infantiles.

 

Principales actividaes

  • Vienres 19 de xunetu.- Homenaxe a personaxe cangués especialmente destacable pol so compromisu cola cultura asturiana
  • Sábadu 20 de xunetu.- Concursu Amateur d’echaores de sidre (en modalidá infantil y adultos)
  • Domingu 21 de xunetu.- Concursu / Degustación de Sidra Casero del Conceyu de Cangues d’Onís.

 

Actividaes de la Primera Sidre de Cangues

Amás de lo que ye puramente la espicha, mientres l’horariu del eventu realicen toa una serie d’actividaes complementaries:

  • Presentación / Homenaje. A dalguna persona destacada de la vida social/cultural de Cangues d’Onís / Cangues d’Onís.
  • Música asturiana. Al cargu de la Banda de Gaites El Gumial, ganadora del Premiu AMES en 2022
  • Actividaes infantiles. Ellaboración de cometes, vieyos trabayos como abogadar, cestería, pintar vasos, etc.
  • Tasties, degustaciones y harmonizaciones. Programación diaria y continua d’esti tipu d’esperiencia que dexa a los asistentes conocer y esfrutar sidra nes sos distintes formes y variedaes, procedente de distintos países.
  • Talleres, exhibiciones y concursos d’echar sidre. Al cargu de campeones de l’Asociación d’Echaores d’Asturies.
  • Artesanía. Una de les carpes ye l’escenariu d’una amuesa d’artesanía en vivu de cueru, madera, telar… al cargu de ‘Madreñines’, complementáu con distintos talleres prácticos para los asistentes.
  • Esportes tradicionales. Dirixíos bien especialmente al públicu infantil, que son los principales protagonistes, pero cuntando tamién con importante participación de persones de toles edaes: llave, xaronca, bolos, tiru de cuerda, carreres de sacos, de madreñes…
  • Mayada. Ellaboración tradicional de sidra polos más pequenos, con mayos de madera y un pequeñu llagarín. Dende’l procesu d’escoyer la fruta al puntu final de tastiar el mostiu ellaboráu.
  • Concursu d’echar sidre p’aficionaos. Tamién para los más pequeños, nesti casu realizáu con augua y so supervisión constante de el monitores.
  • Degustación / Concursu de Sidre Casero. A realizar el domingu 19

 

Característiques específiques del eventu

  • Ufierta de sidra dulce (ello ye, ensin alcol)
  • Información multillingüe.
  • Menú vexetarianu.
  • Campaña consumu responsable y moderáu de bébores alcóliques. Anque la lexislación española entá nun lo esixa, asumimos los principios europeos nos que l’anunciu d’actividaes rellacionaes con bébores alcohóliques lleven un llamamientu al so consumu responsable y moderao, de tala forma que el eslogan “Bebi con xacíu. Ye la nuesa cultura. Ye la to responsabilidá” va tar presente en tol eventu, recordando, de camín, que la cultura asturiana de la sidra nun ye una cultura de “botellón”, sinón de relaciones sociales.

 

Hai que recordar, que l’oxetivu de la Primera Sidre ye:

  • Dar puxu a la cultura asturiana de la sidre, declarada Bien d’Interés Cultural el 2016 pol Principáu de Asturies, y en trámites de ser reconocía pola Unesco como Padrimuñu Inmaterial de la Humanidá
  • Potenciar otres espresiones de la cultura asturiana tradicional que se desendolquen al rodiu de la cultura asturiana de la sidre.

 

(Visited 2.657.306 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies