DOP Sidre d'Asturies

Da-y Barbie

La nueva campaña de la DOP Sidre d’Asturies, tou un ésitu al conseguir nun dexar indiferente a naide

LA SIDRA.-La versión asturiana del tema Dancie the night, de l’artista británica Dua Lipa que formó parte de la banda sonora de la película Barbie, qu’arrasó en cartelera demientres el pasáu branu, consigue l’oxetivu de xenerar la polémica que necesariamente tien qu’acompañar a una campaña publicitaria.

Lo que pa unos nun dexa de ser una horterada, o inclusive una agresión a la cultura asturiana –col so asturianu diglosicu y la so caricaturización de la cultura asturiana de la sidra- pa otros supon una interesante propuesta modernizadora, en clave d’humor, que facilita l’averamientu de la mocedá a la emblemática bébora asturiana.

En cualisquier casu, superar les 15.000 visualizaciones a les poques hores de la so espublización ye un auténticu ésitu que, guste más o menos, consigue poner la sidre asturiano con DOP en boca de tol mundiu.

Lo cierto ye que la DOP Sidre d’Asturies ta avezada a trunfar coles sos campañes de branu nes redes sociales, pero esti añu superáronse ugriendo un productu novedosu, xuvenil, atrevíu, que xenera una sana polémica y que resulta más que respetuosu pa col asturianu,q ue ca vegada traten con mayor curiáu.

Nel videoclip, que cunta cola collaboración de la marca “Al Platu Vendrás” y na que participa’l campeón d’echaores Wilkin Aquiles –del equipu de La Montera Picona de Ramón- , vese a l’actriz Nerea Vázquez comenientemente carauterizada y nuna atmósfera asemeyada a la conocía película, ambientada en Llanes, canciando esta orixinal versión sidrera que tanta movición ta armando.

 

(Visited 2.657.161 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies