Inicio > Cultura sidrera > LII Festival de la Sidre de Nava
Cultura sidreraEncamientosEventosLlagaresSidreturismu

LII Festival de la Sidre de Nava

Declarada d’Interés Turísticu Nacional, va llevase a cabu del 9 al 15 de xunetu

LA SIDRA.- Llega de nueu una de les fiestes más importantes del productu más emblemáticu d’Asturies: El Festival de la Sidre de Nava. Esta fiesta, declarada d’Interés Turísticu Nacional, va llevase a cabu del 9 al 15 de xunetu y va cuntar con un gran abanicu d’actividaes.

El martes de la prósima selmana tendrá llugar nel centru sociocultural Llagar de Sorribes la preba final del Concursu a les Meyores Sidres y Derivaos de la Mazana Ellaboraos n’Asturies nos separtaos de Sidre Natural de Mesa, Sidre Esplumoso, Sidre de Xelu, Aperitivos de Mazana, Aguardientes y Vinagres. Al otru díi, va realizase’l conocíu como ‘*Sidrefórum’ qu’esti añu lleva por entítulu “les otres sidres, la so tastia y potencial del futuru”. Más tarde, a les 18:00, va realizase la preba de preseleición del Concursu a la Meyor Sidre Natural Ellaborao n’Asturies.

Un de los díis nos que se va esperimentar más actividá va ser el sábadu 13. Amás del Mercáu Selmanal y Pasacais de Gaita y Tambor colos Gaiteros del Carbón; esa va ser la xornada na que se va llevar a cabu la final del Concursu a la Meyor Sidre Natural ellaborao n’Asturies y en Nava nes portalaes de la Casa Conceyu. Por cierto que, tres la primer vuelta de la preba, va faese la entrega a la Etiqueta más “guapina” del concursu, actividá qu’entama’l grupu “Sidrastur”.

Ese mesmu díi, a les 14:00 va realizase l’Actu d’Hermanamiento de toles Sidres d’Asturies, y a les 20:00 hores, va tener llugar la entrega premios a la Meyor Sidre Natural ellaborao en Nava y n’Asturies, asina como a la meyor Sidre Natural de Mesa, Sidre Esplumoso, Sidre de Xelu, Aperitivos de Mazana, Auguardientes y Vinagres; tamién, a la Meyor Pumarada de Nava. A les 21:00 va realizase’l Gran chupinazu y entamu de la Ruta de la Sidre de Nava. Amás demientres los díis del festival, va haber teatru na cai, tornéu del bolos, conciertos de la Escuela Municipal de Música, actuaciones d’orquesta, espectáculos de fueos artificiales, etc. Tol programa pue consultase nel sitiu: https://www.ayto-nava.es/noticia/-/asset_publisher/5ed364944755/content/xlii-festival-de-la-sidra?inheritRedirect=false&redirect=https%3A%2F%2Fwww.ayto-nava.es%2Fnoticia%3Fp_p_id%3D101_INSTANCE_5ed364944755%26p_p_lifecycle%3D0%26p_p_state%3Dnormal%26p_p_mode%3Dview%26p_p_col_id%3Dcolumn-3%26p_p_col_count%3D1

(Visited 686.534 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies