Inicio > Cultura sidrera > Harmonizaxes con sidre brut
Cultura sidreraGastronomíaSISGA

Harmonizaxes con sidre brut

Al igual que na edición anterior de la revista en papel, na que ta al salir proponemos estremaos platos que combinen coles bébores esplumoses

Semeya: David Aguilar Sánchez

LA SIDRA.- Son seques, elegantes, ideales para esfrutar nesta dómina yá que son un productu que ca vegada algama mayores niveles de calidá y complexidá. Nel Salón Internacional de les Sidres de Gala -SISGA- pudimos afayar la gran variedá d’ellaboradores tantu d’Asturies como d’otros países europeos, que los sos espositores punxeron de manifiestu que cuntamos con una gama más qu’interesante pa tastiales con estremaes propuestes gastronómiques, por exemplu:

Risotto con cogordes shimeji a la sidre brut: Esclariamos, namás un pocu, con agua frío 200 gramos d’arroz arborio o l’arroz carnaroli. Depués vamos poner n’una pota o sartén media cebolla picao a turriar n’aceite d’oliva virxe extra. Una vegada que tea dorao, amestamos 50 gramos de matega y l’arroz. Revolvemos un pocu por que dore y amestamos un vasu de sidre brut. Dexamos que se evapore l’alcol y que lo granos vaigan absorbiendo la sidra. Depués vamos dir echando amodo mediu llitru de caldu de verdures fasta que l’arroz quede al dente. Darréu vamos amestar un vasu de cogordes shimeji primeramente salteadas, mediu vasu de nata y 50 gramos de quesu parmesanu. Revolvemos, dexamos cocer un pocu más si asina lo deseyamos y correximos de sal. El puntu tien que ser cremosu.

Siete propuestes más s’inclúin na revista LA SIDRA númberu 192.

(Visited 823.589 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies