Inicio > Sin categoría > Sidra Menéndez convenció na Tastia Guiada
Sin categoríaTasties

Sidra Menéndez convenció na Tastia Guiada

La tastia que rializa’l Clú de LA SIDRA‘l primer xueves de ca mes tuvo como protagonista ún de los principales llagares del país: Menéndez, y nesta ocasión, poles vacancies de branu, en llugar de cellebrase n’a la Escuela d’Hostelería de Xixón, tuvo llugar na Sidrería La Montera Picona de Ramón, qu’habilitó un espaciu especial pa que pudiera rializase con toles condiciones de seguranza que la situacion requier.

LA SIDRA.- Como nes postreres tasties guiaes rializaes, cuntóse col inestimable papel de Alejandra Venegas echando la sidre, garantizando asina la meyor  calidá del productu.

Nesta ocasión la tastia foi guiada pol enólogu Jose A. Norniella, que non solo consiguió una intervención amena ya interesante, sinón que facilitó la participación de los presentes y supo xenerar el necesariu diálogu que tien de dase nesta triba eventos pa que resulten bramente granibles.

Asina mesmu, na tastia guiada tamién participó’l llagareru, Gerardo Menéndez, cuyes sos intervenciones dexaron nidio la esistencia d’un proyeutu de futuru y una bayura criterios que constitúin toa una garantía d’anovación, progresu y desendolcu, de magar la más pura tradición, tresmitida de pas a fíos.

El Llagar Menéndez quier ellaborar una sidre que pueda llegar a la mayor cantidá de públicu posible. Por eso apueste por faer cuatro palos, con cuatro perfiles estremaos: Menéndez, Llagar de Quintana, Valdornón –DOP-, Menéndez Ecolóxica DOP.

Na prósima edición de la revista LA SIDRA informaráse más a fondu de los resultaos d’esta tastia.

 

 

(Visited 1.189.500 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies