Inicio > AS > La Delegación Asturiana aporta otru añu más a An Oriant
ASCultura sidreraENEncamientosEncamientosESEventosEventosEventsInternacionalNewsNoticiesSidreturismuTastiesTasties

La Delegación Asturiana aporta otru añu más a An Oriant

Comu davezu, LA SIDRA unvió una delegación pa cubrir l’eventu d’esta ciudá bretona, qu’acueye el mayor festival de cultura celta del mundiu.

Na presente edición, qu’algama el númberu 48, participen Acadia, Asturies, Bretaña, Cornualles, Gales, Galicia, Escocia, Irlanda, ya Islla de Man.

Esti añu toma comu centru la cultura del país del cuélebre colloráu, Gales, con programación diaria qu’ufre lo más variao la cultura’l país. D’otra miente, Asturies ta perbién representada por dos bandes de gaites, El Gumial ya Banda Gaites Villaviciosa- El Gaitero. Nel ámbetu del baille dará cuenta el grupu San Félix de Candás. Na programación de música folk atopemos a José Manuel Tejedor y Luis Núñez y los Folgazanes, too ello cordinao pol responsable la delegación asturiana Iñaki Sánchez Santianes.

Güei también tuvo llugar la primera sesión del troféu Mac Crimmon de gaites, ú participaren Jaime Álvarez, Diego Lobo, Fernando Vázquez y Javier Menéndez, esti caberu ganaor nesta edición 2018.

Comu novedá, esti añu Asturies participará nel Tornéu de Lluches Intercéltiques y recupera la presencia nos pabellones de les naciones celtes con un espaciu muerganizáu por Jesús Adrián Rodríguez Álvarez col sofitu la Oficina de Turismu, que comu venimos comentando, apuesta fuerte por una bona ufierta gastronómica y d’espectáculos.

Sicasí habrá delles sospreses, comu la presentación del Salón Internacional de les Sidres de Gala (SISGA) estil lunes y miércoles na carpa d’Asturies, na que se fará una tastia guiada de les meyores sidres asturianes de mesa asina comu sidres internacionales que participaren y ganaren premios en dichu eventu. Tais convidaos a les 5:30 pm a venir y escubrir les meyores sidres del mundiu.

(Visited 640.022 times)
Anzu Fernándi
http://www.sisga.info
Anzu Fernández ye'l dellegáu internacional de LA SIDRA y la Fundación Asturies XXI, amás de coordinar les tornes. Elli ye l’embaxaor de la sidra asturiana nes principales feries internacionales de la sidra y responsable de les dellegaciones internacionales del Salón Internacional de les Sidres de Gala (SISGA).

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies