Inicio > Chigres > SIDRERÍA SPORTING: Afición y bon xintar a un pasu’l Molinón
ChigresEncamientos

SIDRERÍA SPORTING: Afición y bon xintar a un pasu’l Molinón

El cincu febreru de 1991 nació tan cerca la sablera como del Molinón la sidrería Sporting, un llugar p’aficionaos del esporte y del clú de la ciudá pero qu’acueye col mesmu ciñu a los que son más fans de la sidre y el bon xintar

LA SIDRA.- Juan Carlos Valdés llevaba dende los 16 años trabayando n’hostelería, cuando al camudar a Xixón cola so muyer, tomó la decisión d’abrir el negociu de la so vida. Esta sidrería vio y acompañó al Sporting demientres años, dende les primeres etapes onde pasaron pellí los internacionales Quini, Cundi y Eloy, pasando por Barral, Sastre, Juan Pablo y Villa fasta la postrer xeneración, cola visita asidua de munchos entrenadores como Rubi, qu’esfrutó en delles ocasiones del estilu de comida tradicional del llocal; daqué tán faciendo bien si inclusive’l catalán, repitió visita.

La variedá de la carta ye bien amplia, el cabritu, el pote y el mariscu de la zona son trés grandes virtúes d’esti llocal. Juan Carlos destaca la relevancia del echar sidre, y d’ún de calidá, echar sidre, afirma, forma parte de la sidre y desdexar el tener bonos camareros, ye desdexar tamién la cultura.

Ente los palos que trabaya, el más popular ye’l de JR, sobromanera agora, cola puxanza de la sidra DOP y l’ésitu apolmonante que ta teniendo en toles sidreríes la Sed de PKDO un palu bien auténticu que nun dexa inconforme nin a los más esquisitos.

Juan dexómos tamién un mensaxe de collaboración y xunión pal mundiu la sidre, ente llagareru, chigreru y consumidor, destacando que tenemos qu’escomenzar a xunir fuerces y trabayar a comuña pol ésitu común y el de les nueses tradiciones.

 

SIDRERÍA SPORTING AVDA. PABLO IGLESIAS 27 – XIXÓN
T. 987 23 53 22

 

(Visited 2.496.930 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies