Inicio > Llagares > Mazana ecolóxica en Pravia
LlagaresSin categoría

Mazana ecolóxica en Pravia

En Somao, Pravia, va llantase una pumarada ecolóxica con toles races de mazana de sidre asturiana.

LA SIDRA.- Col sofitu económicu de los fondos europeox Next Generation destinaos a impulsar la rexeneración de terrenes públicos por aciu el cultivu de mazana de sidra en réxime ecolóxicu.

 L’actuación piloto del programa va llevase a cabu en collaboración cola collación rural de Somao y el Conceyu de Pravia y preve desendolcase en delles parceles propiedá de la collación una esplotación de mazana de sidre en réxime ecolóxico.

La pumarada va tener una estensión de más de quince hectáries y va tar dotada de toles infraestructures necesaries pa la so esplotación caltenible. Amás va acutase una fastera p’actividaes d’educación ambiental y dinamización del texíu rural.

Nesti postrer espaciu van llantase toles races de mazana autóctona del país, que van sirvir de reservoriu xenéticu con xermoplasma apurríu pol Serida.

El proyeutu enmarcar na llínea de reactivación de les fasteres rurales al traviés d’actuaciones de bioeconomía en conceyos con especiales dificultaes demográfiques y que permiten incentivar el so desendolcu económico y social. D’esta miente, una vegada realizada l’adecuación y llantíu de los terrenes, les entidaes propietaries van poder valorizar estos recursos y sacar a concursu la concesión de la esplotación pa dinamizar la economía llocal y combatir el despoblamientu.

(Visited 2.496.948 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies