Inicio > Chigres > Sidrería El Puerto, la sidre a un pasu la mar
ChigresChigresEncamientosEncamientos

Sidrería El Puerto, la sidre a un pasu la mar

Jesús Suárez y Oksana Shatkovska fixéronse cargu de la Sidrería El Puerto nun momentu complicáu, l’andanciu taba al cayer y tuvieron que retardar l’apertura, abriendo con toles restriciones y entueyos

L’amplitú del establecimientu, a la qu’aída non pocu la so terraza acristalada, fixo más fácil caltener les midíes de proteición sanitario y nesti curtiu espaciu de tiempu la so sidrería yá ye reconocía como un referente del bon comer y el bon beber en Tazones.

El trucu del so ésitu mora na cocina,  pola so especialidá son los mariscos y pexes, xunto col bon serviciu y la so simpatía, que tolos sos veceros coinciden en destacar.

Amás de los imprescindibles productos de la mar, acabante sacar del Cantábricu (nun escaezamos que tamos falando de Tazones) tamién destaquen los sos arroces, ensin faer de menos a la escelente calidá de les sos carnes.

No qu’a sidre respecta, Jesús cunta qu’anguañu nun pue falase de ‘sidre malo’, tolos llagares tienen un bon nivel y la sidre sal bien en toos ellos. Entá asina, él tien puramente JR DOP, ¿Pa qué más, si tien bon palu dende siempres? entruga. Amás, valora tamién enforma’l serviciu qu’apurre’l llagar “vienen cuando se-yos llama, nunca te dexen tiráu”.

La mayor parte del tiempu la sidre sírvise con echadores automáticos, pero si’l veceru asina lo deseya, échase manualmente.

 

Sidrería El Puertu. San Miguel 3 – Tazones. Villaviciosa T. 985 87 93 60

 

(Visited 1.636.790 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies