Inicio > Encamientos > Sidrería Moreno, ¡fartura pa entrar en calor!
EncamientosGastronomía

Sidrería Moreno, ¡fartura pa entrar en calor!

Por fin l’iviernu aportó con ganes a la montaña asturiana, dándomos la esculpia perfecha pa una fartura d’antoloxía nuna sidrería d’ambiente yá de por sí cálidu y acoyeor.

Nun quinxéremos pasar la ocasión d’agradecer a Javi, el camareru, les sos recomendaciones. Seique nun-y ficimos munchu casu cuando avisó del tamañu de les raciones, tenía razón, igual pidimos un pocu de más, pero de xemes en cuandu una bona fartura sienta bien.

Pa delantre, unes fabes de llibru, melosines, bien xeneroses en compangu del bonu, de les que se nota que tan feches con tiempu y mimu. De segundu, otru clásicu de la cocina de güela, tortos con güevu y picadillu, un tríu que siempres sal bien.

Depués de tou ello entá entró una tarta casero d’ablana, y menos mal porque nun quinxere perder la oportunidá de prebar cosa tan rica.
Si tuviere que decir daqué a meyorar, namás que la sidre, del Llagar de Buznego, prestaría más si me lo echaren curioso que col echaor llétricu.

Sidrería Moreno – Plaza l’Ayuntamientu. Benia d’OnÍs. T. 985 84 40 07

(Visited 2.562.672 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies