Inicio > Cultura sidrera > “Lo importante ye entrar na llista de padremuños qu’España presenta énte la UNESCO”
Cultura sidreraEncamientosEncamientosEventosEventosInternacionalSidreturismu

“Lo importante ye entrar na llista de padremuños qu’España presenta énte la UNESCO”

Ayeri tuvo llugar el Sidraforum nel Muséu de la Sidre, una charra-alderique na que participaron 7 ponentes y onde s’aldericó sobre la reconocencia de la cultura sidrera asturiana como Padremuñu Cultural Inmaterial de la Humanidá

LA SIDRA.- El Muséu de la Sidre de Nava una vuelta más l’escenariu nel que se desendolcó’l Sidraforum, una charra alderique que vien rializándose demientres los postreros años nel que s’esponen los principales temes d’actualidá sobro la nuesa emblemática bébora. Nesta ocasión abordóse la reconocencia de la cultura sidrera asturiana como Padremuñu Cultural Inmaterial de la Humanidá per parte la UNESCO, una candidatura que se rellanzó o reforzó nel postrer añu y mediu y que, anunciada yá pol “Principado· nel 2010 tovía ta a la gueta de presentar na primavera de 2019.

Los ponentes fueron l’antropólogu Xuan de Con, tamién cordinaor del foru; Jesús Casas, direutor de Desendolcu Rural y Agroalimentación; l’especialista en cultura sidrera Luis Benito García, doctor n’Hestoria; la etnohestoriadora Cristina Canterio, rerpresentante de l’Asociación Asturiana d’Antropoloxía y Padremuñu Etnográficu: Celestino Cortina, presidente del CRDOP Sidre d’Asturies, Lorena Alonso, consumidora y comunicaora d’esperiencies sidreres del blog Loca por la Sidra, y Enrique Tuya, cordinaor del Campionatu Oficial d’Echaores y en representación de l’Asociación d’Echaores d’Asturies.

Demientres el Sidraforum abordaránse los motivos polos que la cultura sidrera asturiana merez formar parte la llista qu’el reinu España tien d’unviar a la UNESCO pa que se-y reconoza como Padremuñu Cultura Inmaterial. Tolos participantes espunxeron los sos puntos de vista dende les estremaes especialidaes nes que trabayen pa conformar asina una visión global de la candidatura.

Eso sí, recalcóse que la cultura sidrera asturiana “yá ye un Padremuñu Cultural de los asturianos”, ye decir, que’l fechu de que seya “padrimoniu”, ye un requisitu previu pa la presentación a la UNESCO. Pelo tanto, agora lo que toca ye llevar a cabu un procesu d’argumentación pa que forme parte de la llista de propuestes d’España.

Hai que siñalar que l’Estáu español presenta perpoques o incluso namás una, candidatura o candidatures al añu énte la UNESCO, y el retrasu del “Principado” non solo fixo que yá tean aprebaes candidatures que s’anunciaren al empar que la asturiana, sinon qu’agora mesmo hai una fargatada de propuestes per delantre. Agora habrá qu’esperar p’averiguar si esta vegada va ser verdá que’l “Principado presenta la candidatura la cultura sidrera asturiana y llueu ver si’l reinu d’España l’almite y decide presentala y en que añu lo fadrá. Sicasí, demientres l’alderique siñalóse que “lo primero ya importante y entrar na llista y sumar sofitos”, sofitos que tienen que guetase na sociedá asturiana.

 

(Visited 598.453 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies