Inicio > Encamientos > Les Cebolles Rellenes en La Sindical
EncamientosEncamientosGastronomía

Les Cebolles Rellenes en La Sindical

L’Entregu, nel coral de la Cuenca’l Nalón, ye la capital mundial de les Cebolles Rellenes, un xenial inventu culinariu que tien el so aniciu nel inxeniu d’una cocinera llocal, Aniceta Fueyo “La Nina”, qu’acullá pelos años 40 del sieglu XX idególu pa dar de xintar a varios sacerdotes en tiempu Cuaresma.

La Nina, cola creatividá que remanez de la necesida, el so saber faer, ya ingredientes cenciellos -cebolla, pistu y bonitu en conserva- algamó un platu deliciosu que trescendió les nueses llendes y perduró nel tiempu.

Coincidiendo cola festividá de San Andrés -el 30 payares- en L’Entregu cellébrase la Fiesta les Cebolles Rellenes que ye ensin dubia una de les fiestes gastronómiques más importantes del país.

De les Cebolles, sosprende a quien nun les probare, y deleita a los sos incodicionales, lo suculento que pue llegar a ser un platu tan aparentemente humilde y cuyu únicu secretu ta nel llaboriosu procesu d’abuecáu, el posterior rellén de les cebolles y la so coción a fueu lentu, guisándose demientres trés o cuatro hores, que ye lo que-yos confier el so saborgu distintivu que fai les delicies del paladar más desixente.

En La Sindical ufren demientres tol añu menús colo meyor de la nuesa gastronomía tradicional a precios populares y como nun podía ser d’otra miente, bautizárenlos col nome de dalgún de los nuesos pozos mineros que son sencia de la nuesa cultura ya idiosincrasia.

 

LA SINDICAL, Sidrería. Manuel González Vigil, 2. L’ENTREGU, SRA                          T. 985746606

(Visited 2.445.465 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies