Inicio > AS > Eventos > Ésitu de la XXVIII Xornada de la Sidra de La Felguera
EventosSin categoría

Ésitu de la XXVIII Xornada de la Sidra de La Felguera

Sidra Contrueces y Salvador Ondó foron los ganadores de la XXVIII Xornada de la Sidra de La Felguera

El tiempu soleyeru collaboró pa que la carpa habilitada por Festexos de San Pedro nel parque Dolores Fernández Duru de La Felguera quedáre pequena p’acoyer a los participantes na XXXVIII Xornada de la Sidra de La Felguera Anque entá nun hai datos concretos, anantes de rematar l’horariu de repartu de sidre devasárase yá la vienta de mil vasos, lo qu’ayuda a faese una idea del ésitu del eventu. 

Un total de diez llagares participaron na preba: Sidra Alonso (Llangréu), Canal (Xixón), Castañón (Quintueles), Cortina (Villaviciosa), Contrueces (Xixón), Foncueva (Sariegu), Frutos (Quintueles), Piñera (Xixón), Trabanco (Xixón) y Viuda de Angelón (Nava), escosándose la sidra que llevaron pa la ocasión la mayoría d’ellos nos últimos minutos de la prueba. 

D’ente toes elles, Contrueces foi la escoyida pol xuráu nuna tastia a ciegues como la meyor valorada. 

Primeramente a la degustación entamó’l LXXV Concursu d’Echadores, el más antiguu de los que sigue cellebrándose, que se allargó dende les 11:30 hasta bien entrada la hora de la degustación y nel que participaron 28 competidores, con victoria de Salvador Ondó. Cabe destacar la fuerte participación femenina nesta edición del concursu y la presencia d’echadores bien nuevos (dende los 16 años), d’ente los que’l premiu Sub-25, otorgáu pola Revista LA SIDRA, foi pa Alexander Gabriel. 

(Visited 2.562.658 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies