Inicio > Chigres > Menú pímpanu na Sidrería Mesón El Museo
ChigresEncamientosGastronomía

Menú pímpanu na Sidrería Mesón El Museo

Al dellau del Paséu Begoña y al llau del Centru Comercial Los Fresnos, la Sidrería Mesón El Museo ye una parada más qu’amañosa pa rematar un díi de compres per Xixón.

Ehí ye onde punximos a preba’l menú d’esti mes, quedando contentos tanto col tratu recibíu comu cola cantidá y calidá de los platos, especialmente’l primeru, una fabada de campionatu, saborguiosa y bien xenerosa en compangu.

Tando más avezaos a comer pexe de mar, la truchina con xamón serrano y patates al toque de perrexu que mos traxeron de segundu foi una prestosa variación; nel so puntu.

Tou ello, xunto colos espárragos con mayonesa d’entrante, el café ya’l xeláu que pidimos de postre, por diez euros.

No que cinca a la sidre, teníen dellos palos, incluyendo Contrueces y Trabanco, pero decantémonos por unes botelles de Llagar de Camín, de Sidra Trabanco.

 

SIDRERÍA MESÓN EL MUSEO – Av. El Llano 22. Xixón / T. 985 15 16 14

(Visited 2.445.439 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies