Inicio > Cultura sidrera > Sidre y mazanes na obra de Evaristo Valle
Cultura sidreraImaxeSin categoría

Sidre y mazanes na obra de Evaristo Valle

Visitemos la Fundación y el Muséu dedicaos al pintor xixonés, un de los artistes asturianos más importantes, pa conocer qué motivos sidreros atopamos nos sos olios, bocetos o dibuxos

LA SIDRA.- Evaristo Valle ye un de los artistes más importantes d’Asturies, un valor escepcional dientru la pintura del so tiempu pol so llirismu, pol so collorismu refináu, pola orixinalidá del so sentíu del paisaxe y de la humanidá” dixo l’historiador del arte Lafuente Ferrari. La revista LA SIDRA visitó la Fundación Evaristo Valle pa pescudar qué motivos sidreros podemos atopar na obra del autor.

Alredior de la figura de Valle hai munches anéudotes que refuercen la idega d’un pintor solitariu que pasó la so neñura n’una familia con problemes económicos, sicasí, señala la doctora del arte Gretel Piquer, responsable d’arquivu de la citada Fundación, “Valle foi un fíu de la burguesía de Xixón del sieglu XIX. Cuandu los pintores lleguen a París sí que gasten el so dineru na bohemia, pero hai que dicir qu’enantes de llegar, salen de families que puen permitise tener fíos artistes” apunta.

Valle viaxó a la ciudá de la lluz en 1898 y trabayó nuna llitografía. En 1900 va tornar a territoriu asturianu pero en 1903 va colar de nueu a París yá como pintor llogrando una beca del conceyu Xixón. “Pero ye importante señalar qu’enantes de dir a París, inclusive enantes de viaxar a Madrid, elli yá va a la gueta de lo que sabe qu’hai. Por exemplu, enantes de salir de Xixón yá amuesa interés por artistes como El Greco, Velázquez o Goya. Güei paezmos que estos pintores son cuasique como la santísima trinidá del arte, pero ye qu’a finales del sieglu XIX y a entamos del XX, eso nun yera asina” señala la doctora.

De 1903 ye ‘La orxía’. “En rialidá ye un títulu que se dio a posteriori. Nos catálogos, nes dimposiciones orixinales de Valle, lleva l’entítulu de ‘Panneau’ ,q ue pue significar panel o cartelu.  Col tiempu llamóse-y ‘La orxía’ porque tien unos dibuxos asemeyaos que se llamen ‘Orxíes de sobromesa’. Equí vense botelles que podríen faer referencia a la sidrw. Representa toa una mesa con comida y bébora, potes que tán espulsando vapor y de esi vapor remanecen les figures. Valle tien delles composiciones d’esi estilu: un planu real y otru imaxinariu. Tamos falando de la dómina na qu’elli trabaya sobro El Greco” desplica Piquer.

Esti ye namás un de los cuadros de Valle sobro los que falamos na revistia númberu 202, el reportaxe completu pue consultase na siguiente páxina:

https://issuu.com/lasidra.as/docs/la sidra_202/50

 

(Visited 1.231.029 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies