Inicio > AS > Eventos > Mayor presencia d’Asturies en Salón de Gourmets
Eventos

Mayor presencia d’Asturies en Salón de Gourmets

Esta edición foi la más activa tocántenes a degustaciones, concursos y tasties.

LA SIDRA.- Salón de Gourmets cerró les sos puertes y los sos entamaores afirmen que foi “la meyor edición”. “Con 4 pabellones, 1.630 espositores, 40.000 productos, 1.300 novedaes y 93.346 visitantes profesionales, 2017 va ser recordáu como l’añu del ésitu gastronómicu” despliquen. P’Asturies tamién va ser una feria pa recordar por dellos factores.  Ún d’ellos ye que per primer vegada realizóse nel escenariu principal un concursu a nivel estatal entamáu por Asturies como lo foi’l concursu “A la gueta del meyor cachopu con IXP Tenral asturiana”, lo qu’atraxo l’atención de críticos, prensa y xefs de toes partes del territoriu español; amás de que se cuntó cola presencia de la restauración asturiana como Casa Eutimio –cachopu ganador–, Mesón asador Eduardo –segundu llugar–, La Talamera –tercer puestu–, el Llar de Viri, Les Tables del Campillín, La Mar y Morena, El Ñëru, La Bolera y Casa Cortina.

 

Per otru llau, la sidre tuvo un papel protagonista en toles actividaes de Asturies. N’especial porque se punxo especial énfasis na innovación. Trabanco enseñó la nueva imaxe de Poma Áurea, que foi por demás emponderada. El llagar Castañón realizó la presentación de la so nueva sidre ‘frizzante’ llamada Xiz, que llogró bien bones crítiques per parte los especialistes gastronómicos, pero tamién, del públicu que tuvo la oportunidá de tastiala. Y finalmente Cortina presentó la so nueva Sidre de Xelu que quedó ente los productos finalistes de los premios de Salón por cuenta de la so presentación.

Y como vien siendo yá una trayeutoria, los quesos asturianos tamién fueron gallardonaos. La Peral, col so nuevu quesu de cabra azul ‘Peñoceo’ llogró’l tercer puestu de dicha categoría “queso azules”.  El Quesu Casín de Redes tamién llogró un tercer puestu; y los yá conocíos y bien gallardonaos per tol mundiu Los besos del Rei Silu fixeron esta vegada cola medalla de plata de la categoría “pasties”. “Tamos bien contentos, esti salón date una visibilidá y por eso yo animaría a que más productores de quesos asturianos se presentaren. Asturies tien quesos bien bonos y si concursaran, de xuru que ganaríemos más reconocencies” dixo Pascal Cabaño, de quesos El Rei Silu, a esta espublización.

(Visited 667.692 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies