Inicio > Cultura sidrera > El llagar xune
Cultura sidreraSin categoría

El llagar xune

José Manuel Alonso dedicó la so vida profesional a trabayar na sidre, les sos alcordances déxenmos conocer los cambios qu’esperimentó la ellaboración de la bébora

LA SIDRA.- Conoz ca centímetru del llagar. Con suma amabilidá y gran presteza, enséñamos una a una les máquines que producen la bébora más identitaria d’Asturies. Desplica a la perfeición ca pasu de la so ellaboración, dende la llegada de la mazana fasta’l so empaque. Y faelo con total seguranza y precisión, tamién con ciñu. Nun ye d’estrañar, ye como la so segunda casa… quiciabes la primera.

José Manuel Alonso dedicó la so vida a la sidre. “Yo exomencé a los catorce o quince años a trabayar nel llagar. Escomencé col güelu de Tino Cortina, dempués fui a ‘la mili’ y al tornar siguí trabayando nel llagar. D’aquella tamién había muncha crisis na sidre, ¿eh?” recuerda una de les presones que más conocen el productu emblema de los asturianos. Pero dende adientru, dende les sos entreteles.

Cuando nos postreros años falamos del desencolcu nos sistemes d’ellaboración y de cómo estos impulsaron la produición de sidre; pocos faen referencia a trabayaores como elli, que vivieron en carne mesmu tolos cambios que sobrevinieron nos postreros trenta años. “La sidre ye un productu que supo superar les coxuntures más alverses de la sociedá de consumu” desplicó en numberoses ocasiones l’hestoriador Luis Benito García. Y en gran parte foi gracies a ellos, a los trabayaores, que non solo supieron afaese a los nuevos tiempos, sinón qu’ellos mesmos fueron quien apurrieron la so esperiencia ya idegues p’ameyorar la cadena de produición. Ellos sí que son les xeneración 2.0, ellos sí que vieron cambios… Esti artículu sigue na revista La Sidra 187, la correspondiente al mes de xunetu.

(Visited 639.795 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies