Inicio > Cultura sidrera > La sidre, aspeutu a valorar nel Festival de la Sardina
Cultura sidreraGastronomíaSidreturismu

La sidre, aspeutu a valorar nel Festival de la Sardina

Amás de la ellaboración de los pexes y del aspeutu del stand, los xueces van puntuar la bébora asturiano pa otorgar los galardones

LA SIDRA.- El primeru d’agostu va tener llugar el L Festival de la Sardina, fiesta declarada d’Interés Turísticu Rexonal. Esti añu van participar 7 establecimientos, un más que na pasada edición, y de los cualos para dos d’ellos ye la so primer vegada nel festival. Los llocales participantes son Brisas Candasinas, Casa Repinaldo, Sidrería Nordeste, Hotel Principado y El Diañu, los cinco de Candás; amás del Restorán La Marina de Lluanco y El Frontón de Xixón.

Ellos van ser los encargaos de cocinar a la chapa alredior de 5.000 quilos de sardines de magar les cinco la tardi nel Paséu de San Antonio. Una xornada marcada non yá pol festival gastronómicu, sinón tamién pola diversidá d’actividaes qu’inclúi’l programa festivu.

Un xuráu profesional va ser l’encargáu de valorar les sardines sirvíes a lo llargo del Festival… pero tamién la sidre. Ente los miembros del tribunal tán Pedro y Marcos Morán, Luis Alberto Martínez, Juan Rivero, Abel Terente, Eduardo Martínez Riestra y Daniel García, ésti postreru chef proveniente de Málaga.

El xuráu va visitar demientres la tardi del primeru d’agostu tou los stands y al rematar va realizar una tastia a ciegues de les sardines. Estes van poder llograr una valoración másima de fasta 35 puntos; el stand va poder consiguir fasta venti puntos, y la sidre va valorase con un tope de cinco.

(Visited 619.064 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies