Inicio > Encamientos > Nestes fiestes… A brindar con sidre!!
EncamientosEventosGastronomíaLlagares

Nestes fiestes… A brindar con sidre!!

Ye tiempu de cellebrar y d’esfrutar con familia y collacios, y qué meyor que facelo cola nuesa bébora por escelencia, la gran bayura de productos de sidre qu’atopamos nel mercáu fainlos perafayaízos pa cualisquier ocasión.

LA SIDRA.- Si daqué repetimos darréu nestes feches ye’l brinde. El peculiar soníu que fain les copes al chocar ye la música que suena como banda sonora cuando tamos cellebrando’l fechu de tar xuntos y compartir una bona xinta. La sidre nestes fiestes ye toa una tradición, n’especial equí, n’Asturies, ula sidre ye muncho más qu’un productu, forma parte de la nuesa cultura ya hestoria.

Sicasí’l fechu de que, lo más avezaos ente los asturianos seya cuntar cona botella de sidre axampanao na mesa -¡bendita tradición!- tamién tien de dicise que siguen consumiéndose otres bébores comu xampán, cava o vinu yá que se tien llegao a creyer qu’estes poseen una calidá o categoría superior.

Si esto pudiérese tener camentao hai dellos años, anguañu esti argumentu queda mui lloñe de ser veraz. La bayura tribes de sidre que los llagareros tan sacando al mercáu -y poles que tan apostando con gran esfuerciu y tenacidá- amuésenmos un universu más qu’interesante pa poder degustar la nuesa bébora más emblemático de perestremaes formes y en mui diverses ocasiones. Hai de too y pa toos, dende les brut, fasta les sidres de xelu; pasando peles rosaes, les esplumoses dulces, los auguardientes y fasta la xinebra de mazana.

D’ende que siguiendo l’espíritu navidiegu y sidreru que mos invade, amosemos equí una riestra encamientos pal brinde nestes feches. Ye la nuesa intención orientalos lo meyor posible, d’ende que selecionaremos la sidre asturiano que foi mereceor de reconocimientos nel pasáu Salón Internacional de les Sidres de Gala que tuvo llugar en Xixón y nel qu’un xuráu independiente ya internacional valoróles como les meyores de la so categoría.

VER ARTÍCULU COMPLETU

 

(Visited 161.439 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies