Inicio > Gastronomía > Los “Gastrónomos del Yumay “remembraron a Grande Covián
Gastronomía

Los “Gastrónomos del Yumay “remembraron a Grande Covián

Na semeya Justo García al delláu de Gloria Grande y José María Ordovás soplando les veles pa comemorar el 110 cumpleaños de Francisco Grande Covián.

L’asociación Gastrónomos del Yumay» cellebró, con una espicha tradicional asturiana,  na see de la entidá, el restorán avilesín Yumay, el que sedríe’l 110 cumpleaños de Francisco Grande Covián. Un aniversariu que se comemora ca añu pa remembrar la figura d’una presona allegre y bondosa, nacía en Colunga y a la que-y encantaba braniar na so tierra natal y pasiar pela villa del Adelantráu.

El mélicu ya investigaor asturianu ta consideráu un de los pas de la nutrición, siendo’l mayestru de dalgunos de los más eminentes estudiosos nesti campu, como ye’l casu de José María Ordovás, bioquímicu y direutor del Llaboratoriu de Nutrición y Xenética del USDA Human Nutrition Research Center de la Universidá de Tufts (Boston) y pioneru na investigación de la nutrixenómica, que nun quinxo perder la cellebración y rializó un viaxe rescamplu de día y revolvía a los Estaos Xuníos pa poder soplar les veles del cumpleaños de Grande Covián al delláu de la fía del científicu asturianu, Gloria Grande; el propietariu del Yumay y presidente de l’asociación Gastrónomos del Yumay», Justo García; y l’alcaldesa de Colunga, Sandra Cuesta.

VER ARTÍCULU COMPLETU

(Visited 656.858 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies