Inicio > Sin categoría > Impresionante primer xornada na XIII Primer Sidre l’Añu
Sin categoría

Impresionante primer xornada na XIII Primer Sidre l’Añu

 

Los platos fuertes de güei son l’actuación del coru sidreru ya’l Sidracrucis

Na xornada d’ayeri na Primera Sidre l’Añu l’ambiente foi inmeyorable, nun Pueblu d’Asturies atarraquitao dende primer hora. El soleyeru día pidía sidre y la folixa que presenta la primer sidra de toa Asturies foi la opción de miles de persones, ente elles munchos asturianos, pero tamién un importante númberu de turistes que s’averaron a conocer de primer man la cultura sidrera en vivu.

La llegada de públicu entamó anantes inclusive de la hora de la naguración, con sidreros naguando por ver actuar a Vicente Díaz, que dio’l pregón y animó a tola concurrencia cola so música y la so allegría contaxoso. Dende entós foi un nun parar, con una fuerte presencia familiar a les hores de la xinta y tardi y una medría de la mocedá según diben avanzando les hores, de tala forma que a les siete, dos hores anantes del preslle, entá siguíen entrando sidreros ensin parar.

Amás de l’apertura per parte de Vicente Díaz, los platos fuertes fueron ayeri la esibición y taller d’escanciáu del campeón d’escanciadores 2022, Salvador Ondó, qu’amás collaboró echando culinos tres de la barra de la PSLA. Los xuegos tradicionales, que non solo prestaron a la reciella, foi otru de los alicientes de la xornada. 

Pa güei tenemos l’actuación del “Coru Sidreru” col Coru de Muyeres de San Esteban, que van interpretar Cancios de Chigre y van animar al públicu a participar, con un pase a la una y media y otru sobre los cuatro de la tarde.

Alredor de los dos y media esperase la llegada de los esforciaos pelegrinos del Sidracrucis, que van parar na Primera Sidre l’Añu como parte del so llargu percorríu sidreru que los llevará, ente les 12 y les 22 de chigre en chigre y de llagar en llagar.

Mañana Sábadu, ente munches otres actividaes, va tener llugar el Concursu d’Echaores Aficionaos, al que puede inscribise tou echador amateur.

 

(Visited 2.403.392 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies