Inicio > Chigres > Del norte al norte
ChigresGastronomía

Del norte al norte

Primer aniversariu del Restorán Sidrería El Fontán, n’Alcobendas.

LA SIDRA.- La sidre ta de moda. Y los restoranes asturianos, tamién. Asina lo atestigua’l númberu d’establecimientos d’esti tipu qu’abren fora d’Asturies.

La sidrería El Fontán va un añu qu’abrió les sos puertes nel norte de Madrid con ufiertes curioses y los meyores productos de la gastronomía asturiana n’una fastera apinada de restoranes.

L’uvieín Juan Martínez Descalza, el so xef y propietariu, n’una entrevista concedía a Onda Cero cunta’l secretu del so ésitu, basáu nel so escelente productu y les sos especialidaes.

El cachopu, nes sos cinco variedaes, los sos quesos autóctonos asturianos, les sos fabes y les so ufiertes gastronómiques tórnenlu nun sitiu perfeutu pa esfrutar de lo meyor de la tierra ástur na fasterar norte de Madrid.

Amás d’ufiertar parrillaes tolos xueves, xuniéronse tamién a les xornaes del cachopu en payares y, apocayá, cellebraron les sos xornaes de carne roxo de vaca y güe.

Tamién hai de destacar que ye de los pocos chigres en Madrid qu’ufierten distintos palos de sidre, yá que cunten con Peñón, Cortina, Trabanco y Viuda de Angelón.

(Visited 638.181 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies