Inicio > Gastronomía > PulpoPasión invade Asturies
GastronomíaSin categoría

PulpoPasión invade Asturies

Del 8 al 24 de xunu podrá degustase esti cefalópodu en formatu tapa, platu o menú en 49 establecimientos hosteleros del país

LA SIDRA.- Yá ta en marcha la primer edición de PulpoPasión Asturies, la primer ruta gastronómica basada en recetes de pulpu, que ta llevándose a cabu dende’l 8 de xunu y fasta’l 24. Un total de 49 restoranes, chigres, bares y pulperíes asturianos ufrirán tapes, platos y menús, -tanto tradicionales como de cocina de vanguardia- col pulpu como protagonista.

L’oxetivu principal d’esta iniciativa ye dar puxu a la gastronomía del país, dando a conocer les multiples posibilidaes qu’ufre esti productu. Pa ello, PulpoPasión Asturies cunta cola participación y collaboración de mediu centennar de pulperíes, restoranes, chigres, empreses ya istituciones de too Asturies, nuna fastera que cubre tola zona central y abarca dende Tinéu a Cangues d’Onís.

Pa que podamos esfrutar d’esti cefalópodu en toles sos vertienes, PulpoPasión ufre la pisiblidá d’escoyer ente “tapa + copa albariño Pulpu”, “platu + 2 copes albariño Pulpu” o “menú + botella d’albariño Pulpu”. Los precios de tapa taraminguen ente los 4,50 y los 19 euros, y la opción de platu ronda ente los 12 y los 25 euros. El menú completu, 28 euros.

Esta primer edición de PulpoPasión Asturies foi entamada pola axencia gastronómica Nacho Sandoval Estrategias and Marketing, y ta patrocinada pol vinu DO Rías Baixas, de Bodegas Pagos del Rey, y cunta cola collaboración de exclusivas Méndez León. Dellos de los 49 establecimientos que forman parte de la propuesta son: Sidrería El Ferroviario, Sidrería El Valle, Sidrería Gastronómica Lena, Sidrería La Campurra, Sidrería La Virusa, Sidrería Vega Redonda, Sidrería Yumay, La Finca–Sidrería Agrobar. Tamién nos restoranes Pulpo A Feira, Casa Repinaldo, La Marimorena Taberna Asturiana o La Gran Vetusta.

(Visited 2.465.415 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies