Inicio > Cultura sidrera > Julio Bobes: “Hai qu’apostar poles singularidaes del territoriu… Asturies ye tierra de sidre”
Cultura sidreraSidreturismu

Julio Bobes: “Hai qu’apostar poles singularidaes del territoriu… Asturies ye tierra de sidre”

Semeya: David Aguilar Sánchez

El direutor del Clúster de Turismu Rural Desplica na entrevista rializada pa la revista LA SIDRA númberu 201 en qué consiste’l proyeUtu ‘Sidraturismo’, iniciativa p’atrayer visitantes teniendo como reclamu la cultura sidrera asturiana

LA SIDRA.- Distintes entidaes asturianes xuniéronse pa, xuntes, aniciar lo que se llama un Clú de Productu, una ferramienta pola cual dellos grupos empresariales y organismos públicos trabayen pa desendolcar un segmentu específicu del mercáu. Nel proyeutu denomináu ‘Sidraturismo’ la estratexa consiste n’aprofitar les oportunidaes que la produición de mazana y de sidre ufierten como atractivu turísticu, de manera asemeyao a lo qu’asocede con otros productos agroalimentarios.

Na revista LA SIDRA d’esti mes (Nb. 201) entrevistamos a Julio Bobes, presidente del Clúster d’Empresarios de Turismu Rural, entidá impulsora xunto cola DOP Sidra de Asturies, de la iniciativa. Élli desplicó que’l proyeutu surdió nes xornaes de coworking del clúster, de trabayu conxuntu, nes que se realicen llluvies d’idegues. Los miembros del clúster, Marta García y Julián Castañón del llagar Castañón, desplicaron les visites que faíen na bodega. Y vióse qu’había munches posibilidaes al respeutu. Nel clúster hai empresarios con agospiamientos rurales na Contorna de la Sidra, y tamién nes esnales. A dellos interesó-yos el proyeutu. Conformóse entós un grupu de trabayu. Esa triba grupos tienen el llabor de creyar la idega. D’entrugar qué fai falta pa que se lleve a cabu. Pos por casu, agospiamientos, axencies de viaxes pa vender los productos, los mesmos llagares. Una vegada fechu esto y cuando arrinca’l proyectu, el restu de socios o presones que nun lo son, pueden amestase”.

Les siguientes fases del proyeutu y más información pueden consultase nel siguiente enllaz:

 

(Visited 989.932 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies