Inicio > Eventos > Ábrese’l plazu pa solicitar participación nel Mercadín de la Sidre y de la Mazana
EventosSidreturismu

Ábrese’l plazu pa solicitar participación nel Mercadín de la Sidre y de la Mazana

Les inscripciones tán abiertes de magar güei, 8 de mayu, fasta les 13:00 hores del vienres 17 de mayu

LA SIDRA.- Les empreses o profesionales que deseyen participar na prósima edición del Mercadín de la Sidre y la Mazana, que se va cellebrar del 19 al 25 d’agostu nel marcu de la XXVIII Fiesta de la Sidre Natural, puen solicitar la so participación al departamentu de Festexos de Divertia Xixón de magar güei miércoles, 8 de mayu. El plazu va tar abiertu fasta les 13.00 h. del vienres, 17 de mayu.

Pa la concesión de los 21 estands, va valorase la participación previo n’otres ediciones del mercadín y l’orde de solicitú. El costu de participación ye de 700 € + IVA (10%).

El Mercadín de la Sidra y la Mazana tien como oxetivu axuntar n’un mesmu espaciu la sidra, en toles sos variedaes, y productos d’alta calidá ellaboraos de magar la mazana, la sidre natural y cualesquier de los sos derivaos. Acéptense tamién productos venceyaos a la cultura sidrera y la mazana.

La organización va poner a disposición de los participantes un estand. Va sSer competencia de cada empresa l’afayamientu según les sos necesidaes de funcionamientu, normatives vixentes, estética, seguridá y llimpieza. Les bases y los modelos de solicitú van poder descargase na web http://festejos.gijon.es/

(Visited 657.720 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies