Inicio > Eventos > El “Principado” humilda Asturies n’Alimentaria
EventosInternacionalSidreturismu

El “Principado” humilda Asturies n’Alimentaria

El stand que representa a Asturies nuna de les más importantes feries de l’alimentación europees despierta la indignación de los asturianos asistentes al eventu que ta teniendo llugar estos díis en Barcelona.

LA SIDRA.- Con namás un stand en toa Alimentaria -por poner un exemplu namás Cantabria tien 3- d’abegosísima llocalización pola so nefasta situación, parcialmente ocultáu por una viga, d’unes dimensiones ridícules -menos de la metá de, por exemplu, el stand de la Diputación d’Almería-, la representación asturiana dexa en permal llugar la imaxe de los productos asturianos.

El “Principado” consiguió la unanimidá de tolos asturianos asistentes a Alimentaria’18 a la hora de calificar como humildante la representación d’Asturies.  Trátase d’un stand, valeru de toa triba d’entidá nin identidá, d’abegosa clasificación estética, ensin una sola pallabra en llingua asturiana y con namás media docena empreses, ente les cuales namás hai un llagar.

El dañu que prevoca’l “Principado” con esta nefasta representación a la imaxe d’Asturies va acullá de la perda d’oportunidaes económiques pa les empreses asistentes, prevocando un perxuiciiu desproporcionáu a la marca “Asturies” y al esfuerciu económicu y presonal qu’estes empreses tienen que facer pa tar en Barcelona demientres los cuatro díis que dura l’eventu.

Nin que dicir tien que’l seutor turísticu ye ún de los más afeutaos por esta sucesión de despropósitos y que qu’a la fin, el “Principado” salmos percaru a tolos asturianos.

(Visited 2.465.190 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies