Jasón Franco y MIguel Ferreira campiones en Xixón Asoleyar Corréu lleutrónicu
Vienres, 28 de Agostu de 2015 08:45

Nel XXII Concursu  d'Echaores de Xixón trunfó Jason Franco na xeneral y Miguel Ferreira na llocal

VER SEMEYES 

LA SIDRA.- Con una participación de 34 echaores, la XXII edición del Concursu d'Echaores de Xixón, valederu pal campionatu d'Asturies, dio un impresionante espectáculu nel que resultaron ganaores Jason Franco, de la sidrería "El Madreñeru" de La Pola Sieru,en segundu llugar quedó Jonathan Trabanco, de Manolo Jalín tamién de La Pola Sieru, y en tercer posición el ganaor del añu pasáu, Salvador Ondó.

 
Cursu d'Echáu y Tastia de Sidre Asoleyar Corréu lleutrónicu
Xueves, 27 de Agostu de 2015 07:46

Dientru les actividaes de la Fiesta de la Sidre de Xixón tuvo llugar el Cursu d'Echáu y Tastia de Sidre impartíu por Loreto García y padrocináu pol llagar JR.

VER SEMEYES

LA SIDRA.- Una de les actividaes más esperaes de la Fiesta de la Sidre de Xixón yera esti cursu impartíu pola campiona asturiana d'echaores 2009, Loreto García, nel que comu'l so nome indica non solo se deprendía a echar un bon culín, y a saber valorar lo que ye un culete bien echáu, sinon que s'impartíen nociones de lo que tien de ser una tastia de sidre.

 
Llega'l "Fiestival" de la Sidre Asoleyar Corréu lleutrónicu
Miércoles, 26 de Agostu de 2015 07:31

Santa María del Páramu, en Llión cellebra'l so "Fiestival" de la Sidre.

LA SIDRA.- Ca vegada ye más frecuente la cellebración de festivales de la sidre non solo n'Asturies sinon au lleguen los asturianos, y por eso en tou Llión ye avezao a que se faigan cellebraciones nes que la sidre comparta protagonismu col vinu. 

Nesti casu ye Santa María del Páramu la que cellebra'l so propiu "Fiestival", nel que conxuguen la "fiesta" col "festival" y nel que la sidre abri pasu a la fiesta y continúa tres ella, colo que los asturianos que van "a secar" a aquelles tierres, tendrán forma de moyase y remoyase per dientru, en bona compaña colos sos anfitriones llioneses.

 
Aitor González tien la meyor sidre Asoleyar Corréu lleutrónicu
Llunes, 24 de Agostu de 2015 07:40

El X Concursu de Sidre Casero cellebráu ayeri en Villaviciosa, dio'l trunfu a Aitor González Palacios, de H.uentes.

LA SIDRA.- Con 72 llagares caseros participando nel mayor festival de sidre artesano del mundiu, Aitor González Palacios (H.uentes), Juan Pérez Millar (Valdebárzana) y Alfonso Vega Martínez (La Camoca) foron correllativamente los ganaores d'esta décima edición del Concursu de Sidre Casero de Villaviciosa. Un concursu y un festival que van a más añu tres añu.

 
Programín de la Fiesta de la Sidre de Xixón Asoleyar Corréu lleutrónicu
Sábadu, 22 de Agostu de 2015 09:25
La nueva edición de la Fiesta de la Sidre de Xixón tendrá llugar ente’l 24 y el 30 d’agostu. El Chigre del Barriu la Sidra tornará a tar presente, esti añu nos xardinos del Naúticu, asina comu las verbenes nocherniegues y el récor d’echáu simultániu.
 
LLUNES 24
Xardinos de la Reina
16.00 h. a 24.00 h. Mercaín de la Sidre y la Mazana.
Arte Urbanu 
 
¿El mayor tinu de maera del mundiu? Asoleyar Corréu lleutrónicu
Llunes, 24 de Agostu de 2015 09:36

El llagar La Victoria, n'Arxentina pasa por tener el mayor tinu de maera del mundiu pa sidre, y va ser declaráu Padrimoniu Hestóricu.

LA SIDRA.- Con capacidá pa 320.000 llitros de sidre, el tinu de maera del llagar La Victoria en Cipolletti pasa por ser el mayor tinu de maera del mundiu pa sidre, y comu ye normal, va ser declaráu Padrimoniu Hestóricu de la Ciudá pa garantizar la so conversación.

 
Sidre Casero en Villaviciosa Asoleyar Corréu lleutrónicu
Domingu, 23 de Agostu de 2015 09:15
Güei, de magar les 12 del meudíi los llagareros caseros de Villaviciosa pondrán la so sidre al públicu, a la espera de conocer el ganaor del Concursu de Sidre Casero.

VER SEMEYES DE PRESELEICIÓN DE LES 12 MEYORES SIDRES

LA SIDRA.- Lo qu'ensin dubia ye'l festival con mayor participación de llagares artesanos del mundiu cellebraráse güei en Villaviciosa, onde los llagareros que participen nel x Concursu de Sidre Casero -esclusivamente del Conceyu maliayu- pondrán la so sidre a dimposición de los asistentes a la preba que se rializará a les 12 hores na Plaza'l Güevu de Villaviciosa.

No que cinca al X Concursu de Sidre Casero, dicir qu'el pasáu xueves cellebróse la preseleición de les 12 meyores sidres presentaes, y que sedrá güei cuandu'l xuráu decida quien son les 3 meyores, que participarán representando a Villaviciosa na convocatoria nacional del Concursu de Sidre Casero.

 
I Concursu de Sidre Casero de Piloña Asoleyar Corréu lleutrónicu
Sábadu, 22 de Agostu de 2015 09:09

El prósimu 6 de setiembre cellebraráse'l I Concursu de Sidre Casero de Piloña, col que se recupera'l tradicional concursu de Priede, que tuvo qu'interrumpise pola falta de sofitu istitucional.

LA SIDRA.- Tres el vergoñante fin del Concursu de Sidre Casero de Priede, víctima del desenfotu del Ayuntamientu Piloñés, ye esti propiu Ayuntamientu'l qu'agora convoca el I Concursu de Sidre Casero de Piloña, col oxetivu de da-y puxu a la cultura sidrera del conceyu y homenaxear el llabor de los llagareros del conceyu.

 
«AniciuPrev12345678910PróximuFin»

Páxina 1 de 172