Vien de ser convocada pola Conseyería de Mediu Rural y Política Agraria
LA SIDRA.- Esta aída tien por oxetu compensar a los pumareros pola totalidá o una parte de los costos adicionales y les perdes d’ingresos de resultes de los compromisos voluntarios pa favorecer la biodiversidá nes pumaraes dando puxu a la presencia de avifauna col allugamientu de ñeros, comederos, perches y el caltenimientos de les sebes, y arrenunciando al usu d’insecticides y raticides.
La convocatoria va rematar el 30 d’abril de 2024.
Pa mayor información, na see electrónica del Principáu d’Asturies (https://see.asturias.es) ta espublizada la ficha de serviciu que podrá alcontrase introduciendo’l códigu AYUD 0007T24 nel buscador de la cabecera (asitiáu na parte cimera drecha de la páxina) na que se va atopar información complementario, el formulariu normalizáu de solicitú y la posibilidá d’empecipiar lletrónicamente la solicitú.
