Inicio > Cultura sidrera > Naz la Federación de Sidre Casero d’Asturies
Cultura sidreraSidre Casero

Naz la Federación de Sidre Casero d’Asturies

Presidida por Avelino Fuentes, ta constituyida primeramente por nueve entidaes, esperándose la próxima adhesión d’otres cinco.

LA SIDRA.- L’actu tuvo llugar nel Muséu de la Sidra de Nava, que va ser tamién el domiciliu social de dicha asociación tres ser aprobáu pol patronatu del muséu, y nel mesmu participaron representantes de les 9 entidaes que conformen esta federación, asian como miembros d’otres asociaciones que tienen la intención de federase una vegada que rematen los trámites de constitución de les sos propies asociaciones.

Na asamblea fundacional aprobaronse por unanimidá tantu los estatutos como la directiva, que queda constituyida por Avelino Fuentes, de Piloña, como presidente; Vicente Ardura, del Caudal, vicepresidente; Casimiro Fernández, de Siero, secretariu; ya  Iván Prieto, de Ribeya como tesoreru.

Les entidaes fundacionales son la de Piloña, Caudal, Siero, Ribeseya, Ribedeva, Parres, Gozón, Salas    y la Fundación Asturies XXI

Trátase d’un procesu empecipiáu yá en 2022 a iniciativa del Clú Sierense d’Amigos de la Mazana –CSAM-, que plantegó la necesidá de reorganizar toles iniciatives esistentes na actualidá, al envís de repensales, entamales y retroalimentales, nun procesu abiertu a la participación de toles persones y organizaciones que viven y sienten esi aspeutu fundamental de la cultura asturiana de la sidre.

La federación naz coles mires de cordinar y xuncir esfuerzos pa potenciar la sidre casero, non industrial, compartir recursos y esperiencia, y ellaborar un calendariu d’eventos bien coordináu, qu’integre concursos, esposiciones, degustaciones, cursos y talleres d’ellaboración de sidre… Asina mesmo, consideren bien importante que’l Muséu de la Sidra de Nava dexára-yos establecer ellí la so casa social, un espaciu referencial, que comparte l’oxetivu de dinamizar la cultura sidrera asturiana.

(Visited 2.562.734 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies