Inicio > Clú de LA SIDRA > XLVI Festival de la Sidre de Nava
Clú de LA SIDRACultura sidreraDellosEncamientosEventosGastronomíaInternacionalLlagaresSidreturismuTasties

XLVI Festival de la Sidre de Nava

Del 4 al 10 de xunetu cellebraráse esti festival sidreru de referencia internacional, qu’esti añu va cuntar como pregoneru col reconocíu xef Nacho Manzano

LA SIDRA.- Nacho Manzano, en pallabres del alcalde navetu Juan Cañal, “el xef más valoráu n’Asturies tocántenes a Estrelles Michelin y Soles Repsol” va ser el pregoneru d’esti XLVI Festival de la Sidre de Nava, non solo pola so reconocencia internacional, sinón sobromanera porque trátase d’un cocineru que siempres defendió’l papel de la sidra na alta gastronomía.

El festival escomenzará’l 4 de xunetu, cola preseleición pal concursu a la Meyor Sidre d’Asturies y Meyor Sidre de Nava, nel que se calcula van participar más de 40 llagares del país y cueye fuerza col Sidraforum del 5 de xunetu, la parte cultural del Festival, cola que se refuerza la reconocencia de la cultura asturiana de la sidre como padremuñu inmaterial de la humanidá, y que nesta la so sesta edición, va poner sobro la mesa l’Orixe y trazabilidá de la sidre asturiano’, cuntando cola intervención de Daniel Rúiz, Xerente de la DOP Sidre d’Asturies; Alejandro Coca, Direutor de negociu y operaciones del CTIC; y Xuan de Cón, coordinaor del Sidroforum y profesor-tutor de la UNED-Asturies

El Sidroforum va tener llugar el miércoles 5 xunetu a les 20 hores nel salón d’actos del Muséu de la Sidre, y ese mesmu díi tamién va ser la final del concursu de ‘Meyores Sidres de Nueva Espresión y Derivaos de la Mazana ellaboraos n’Asturies’.

En tou casu, el  megollu del Festival va concentrase del 7 al 9 de xunetu, destacando’l sábadu 8 nel qu’a les 12:00 h.va tener llugar la final del concursu a la Meyor Sidre d’Asturies y de la Meyor Sidre de Nava, y procederás a la entrega de los correspuendientes premios, tres lo que Nacho Manzano va ufiertar l’esperáu pregón.

Pa la mañana del domingu 9 queda’l XVVIII Concursu d’Echaores de Sidre – na Plaza Manuel Uría-, que se prevé que cunte con una gran participación y tres el mesmu la xinta na cai

VER PROGRAMA

 

 

(Visited 2.509.019 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies