Inicio > Cultura sidrera > La Cultura sidrera asturiana yá ye candidatura oficial de la UNESCO
Cultura sidreraDOP Sidre d'Asturies

La Cultura sidrera asturiana yá ye candidatura oficial de la UNESCO

La Cultura Sidrera Asturiana entra ¡¡por fin!! na cabera fase de la Declaración de Padremuñu Universal de la Humanidá

Tres de la deceición que supunxo que l’añu pasáu la Cultura Sidrera Asturiana nun algamara a ser siquiera evaluada pola Organización de les Naciones Xuníes pa la Educación, la Ciencia y la Cultura, por superase’l cupu de 55 candidatures añales qu’esta organización aceuta estudiar,  La UNESCO apreba evaluar la candidatura de la Cultura Sidrera Asturiana.

Fasta agora l’espediente taba esperando a entrar na llista de les evaluables pola organización internacional que concede esti reconocimientu y por fin ayeri aportó la confirmación de que la candidatura asturiana va ser una de les 55 solicitues qu’estudiará a fondu nel añu 2023-2024.

La Cultura Sidrera Asturiana lleva un llargu camín  de más de diez años anantes d’aportar a esti puntu, pal que yera preciso cuntar con un espediente informáu positivamente, requisitu que la Cultura Sidrera ya consiguiere. El veredictu conoceráse en payares del 2024, cuando esperamos que se faiga real la naguada Inscripción na llista representativa, pasando a ser oficialmente Padremuñu Universal de la Humanidá, una reafirmación identitaria de primer orde p’Asturies, que de xuro dará puxu a la industria y comercialización de la sidre, la mazana ya’l sidraturismu.

 

 

(Visited 2.662.785 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies