Inicio > AS > Eventos > Xixón capital europea de la Sidre
Eventos

Xixón capital europea de la Sidre

El sestu Salón Internacional de les Sidres de Gala (VI SISGA), que se cellebra los díis 30 setiembre y 1 y 2 d’ochobre, fai de Xixón la capital europea de la Sidre.

LA SIDRA.-. La presentación oficial d’esti eventu sidreru tuvo llugar ayeri na Casa la Palmera de Xixón, y nella intervinieron Carme Pérez, representante de la Fundación Asturies XXI entidá entamaora; Manuel G. Busto, presidente del Xuráu Internacional que va otorgar los premios SISGA; y Jorge González-Palacios, xerente de Divertia.  El VI SIGA va tener llugar en Xixón los díis 30 de setiembre, y 1 y 2 d’ochobre.

El VI Salón Internacional de les Sidres de Gala ye un eventu yá consolidáu qu’añu tres d’añu va aumentando en númberu de participantes a nivel européu y qu’esti 2016 esperimentó un xorrecimientu espectacular.

 

Más de 120 variedaes estremaes de sidre de copa podrán degustase na Tastia Abierta al públicu que va tener llugar el sábadu 1 d’ochobre na Colexata de San Xuan Bautista en Cimavilla, Xixón. Nella vamos poder atopar sidre proveniente de más de 40 llagares europeos, dende Suecia fasta Canaries y d’Estonia a Portugal.

La Tastia Abierta escomenzará a les 12:00 y va concluyir a les 21:00 hores. Ye una cita imprescindible pa tolos que deseyen conocer la gran variedá de sidres que s’ellaboren n’Europa, una y bones dengún otru eventu gastronómicu del Estáu español axunta tantos productores internacionales d’esti tipu de bébora. Habrá esplumoses –brut, dulce, semiseco y rosao–, sidres de xelu, auguardientes, sidres ellaboraes con distintos ingredientes, aperitivos de sidre y les que se presenten en formatos d’un terciu.

(Visited 621.039 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies