Inicio > AS > Noticies > Actividaes con sidre n’Agrosieru
Noticies

Actividaes con sidre n’Agrosieru

Llevaránse a cabu los prósimos díis sábadu y domingu na Plaza Cubierta y na de Abastos.

LA SIDRA.- Agrosieru tendrá llugar na plaza cubierta y na de Abastos de La Pola los díis 1 y 2 d’ochobre n’horariu de 11 a 21 hores. Una de les primeres actividaes a rializar va ser el XV Concursu d’Echaores de Sidre, certame que puntúa pal campionatu d’Asturies. Esta competición va empecipiar el sábadu a les 12:30 del meudíi. Pero tamién va haber más actividaes que tienen como exa la nuesa bébora tradicional. Por exemplu va haber un cursu d’iniciación al echáu de sidre’l mesmu sábadu a les cincu la tardi y al otru díi a les 12:30 hores.

 

 

Amás, pa los más piqueños, proyeutóse’l taller: “¿Cómu se fai la sidre?” que se va llevar a cabu’l sábadu a les 13:00 hores y el domingu a les 17:00 hores. Hai de siñalar qu’estos talleres tienen un númberu de places llimitaes, siendo necesaria la iscripción al traviés del corréu adl@ayto-siero.es o na Plaza Cubierta demientres la feria.

Amás de les actividaes con sidre, tamién va haber distintes xornaes y charres rellacionaes col conceyu. “¿Pa qué sirve’l campu en Sieru: el conceyu énte les agricultures del sieglu XXI?”, “Entamar nel mediu rural” y la “Presentación de la Guía de Bones práutiques en mercaos y feries de ganáu”, son dalgunes d’elles. Coles mesmes, planióse una visita guiada pa la recoyía de cogordes na finca La Cebera de Llugones per parte de la Sociedá Micolóxica de Pañeda, pa lo que tamién hai qu’iscribise al corréu enantes dáu. Asina mesmo va llevase a cabu’l concursu-esposición de ganáu vacuno selectu, esposición de gochu-asturcelta, y estremaes degustaciones de carnes adscrites a IGP’s asturianes.  

(Visited 683.798 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies