Inicio > AS > Eventos > Prado y Pedregal, sidre oficial de la Primer Sidre l’Añu
Eventos

Prado y Pedregal, sidre oficial de la Primer Sidre l’Añu

La DOP del llagar La Morena, en Siero, consigue la distinción a la Meyor Primer Sidre l’Añu. Peñón (Albandi) y Cabueñes (Xixón) queden en segundu y tercer puestu. Ganar esti concursu non solo convierte a la Prado y Pedregal na Sidre Oficial de la XIV Primer Sidre l’Añu, que  se cellebra en Cimavilla del 28 al 31 de marzu, sinón que la reconoz comu la sidre más prometedora de l’actual collecha.

LA SIDRA.- Ayeri tuvo llugar na Sidrería La Montera Picona la fase final del Concursu de la Meyor Primer Sidre l’Añu. A la final d’esti concursu, qu’escueye d’ente toles sidres ensin trasegar aquella de mayor calidá concurrieron siete llagares: Germán (Avilés), Fonciello (Siero), Peñon (Albandi, Carreño), Quelo (Tiñana, Siero), La Morena (Viella, Siero), Alonso (Ciaño, Llangreu) y Cabueñes (Xixón).

El xuráu aconceyáu pa la ocasión, presidíu por Manuel Busto y compuestu polos tastiadores Joaquín Fernández y Luis García, el campeón d’echaores Wilkin Aquiles; los profesores de la Escuela de Hostelería y Turismu de Xixón, Juan Luis García, y Benedicta  Zurro ya’l propietariu de La Montera Picona, Emilio Rubio, tuvo un duru trabayu pa escoyer, en doble ronda de tastia a ciegues, la meyor de les siete sidres finalistes.

El públicu -pente’l que s’atopaben tolos llagareros finalistes- pudo ver a qué llagares pertenecía la sidre que se puntuaba en ca momentu, nun panel a espaldes del xuráu, lo qu’aumentó la emoción, sobre tou porque na primer ronda les puntuaciones andaben mui igualaes. Tres d’un triple empate a primer puestu na primer vuelta, el xuráu escoyó na segunda la sidre sierense poles sos destacables carauterístiques: una sidre sabroso ya ensin defeutos con un vasu excelente y arumes llimpios ya intensos.

Como novedá nesta edición diose tamién un reconocimientu a los llagares que quedaron en segundu y tercer llugar: Sidra Peñón y Sidra Cabueñes, ambes tamién reseñables pola so perbona calidá.

La entrega de premios tendrá llugar el xueves 28 de marzu a les doce del mediudíi, na naguración oficial de la Primer Sidre l’Añu, la mayor espicha d’Asturies qu’esti añu treslládase a Cimavilla. 

 

¿QUÉ YE’L SIDRACRUCIS? / ¿EN QUÉ CONSISTE? / PERCORRÍU SIDRACRUCIS’24 / VIDIOS Y SEMEYES

PRIMER SIDRE L’AÑU CONCURSU DE SIDRE CASERO / CONCURSO AMATEUR D’ECHAORES

 

 

Pa recibir el PDF de la revista fai falta tar dáu/da d’alta nel whatsapp de LA SIDRA

 
(Visited 2.562.705 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies