Inicio > Chigres > XII Primer Sidre L’Añu. Escomienza la temporada sidrera!!
ChigresCultura sidreraDellosEncamientosEventosGastronomíaInternacionalLa sidraLlagaresMúsicaPSLASidreturismuTasties

XII Primer Sidre L’Añu. Escomienza la temporada sidrera!!

Una cellebración que se convirtió, por méritos propios, na mayor espicha del país y que sirve pa dar el pistoletazu salida de la temporada sidrera asturiana

LA SIDRA.- La Primer Sidre l’Añu –PSLA–, qu’esti añu fai la so decimu segunda edición, torna con más ganes que nunca. Dempués de les restriciones pola Covid-19 del pasáu añu, les midíes fuéronse anidiando y una de les cellebraciones, con más tradición y más enraigonaes de la postrer década en Xixón, tornará vivise per tolo alto del 14 al 17 d’abril nel Muséu del Pueblu d’Asturies, n’horariu, el xueves de 13:00 a 21:00 hores; el vienres y el sábadu, de 12:00 a 21:00 hores y el domingu, de 12:00 a 18:00 hores.

La PSLA, que cunta col respaldu de la revista LA SIDRA y de la Fundación Asturies XXI, foi una de les grandes artífices de que la reconocencia de la cultura sidrera asturiana como Padremuñu Cultural Inmaterial pola UNESCO, tea daqué más prósima.

Miles de presones tornarán axuntase, en Selmana Santa, nel Muséu del Pueblu d’Asturies alrodiu la bébora tradicional asturiana, gracies a la cellebración de la Primera Sidre l’Añu, un eventu bien familiar y perenraigonáu na ciudá, nel que cultura, ociu, tradición y gastronomía van de la man. Una gran oportunidá p’averase al mundiu la sidre.

La Primer Sidre L’Añu ye la mayor espicha d’Asturies, un tiempu y un espaciu nel qu’esfrutar cola familia, colos collacios… de la bona sidre y del meyor ambiente.

Ensin prieses nin apuros, xugar, baillar, canciar, tomar unos culinos, y forrar bien, que la folixa pide tener el banduyu bien servíu…

 

Más info

PROGRAMA / MEYOR PRIMER SIDRE L’AÑU / SIDRACRUCIS / XII ASTURIANADA Y SIDRE / CONCURSU DE SIDRE CASERO / PROGRAMACIÓN INFANTIL /TASTIES

 

(Visited 1.421.029 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies