Inicio > Chigres > Llagar y Chigre Alonso
ChigresEncamientosGastronomíaLlagares

Llagar y Chigre Alonso

Javier Díaz, el llagareru, desplícamos qu’esti llagar reabrió les sos puertes nel añu 1996 y que tres varios años nel conceyu navetu, acullá pel 2013 treslládense a les nueves istalaciones de Ciañu. Continuando como siempres fieles a los sos principios d’utilizar mazana cien por cien asturiana que train tantu de la so propia pumarada como de los sos veceros.

El propiu llagar cunta con un chigre que dempués de munchos años asitiáu en La Felguera foi treslladáu’l pasáu mes de payares a la cai Claudio Sánchez Albornoz 7 de Sama, xunta la estación de la RENFE. Lo mesmo que’l llagar, recude asturianía pelos cuatro costazos. Na so piqueña y ellaborada cocina xúncese la sidre d’Alonso col productu asturianu, asina podemos esfrutar d’unos riquísimos platos ellaboraos a la sidre como’l pulpu, el cabritu o’l bacalláu. En temporada, como ye tradición na cuenca, fainse espiches nel llagar colos productos típicos, onde nun falta’l típicu corderu a la estaca y por supuestu… Sidre Alonso.

 

ALONSO, LLAGAR. Puente Cabrón 38, Ciañu. Llangréu T. 670 720 557
ALONSO, CHIGRE. Claudio sánchez albornoz 7. Sama. Llangréu t. 984 085 930

(Visited 727.029 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies