Inicio > Cultura sidrera > Sidracrucis’22 ¡La procesión más sidrera!!
Cultura sidreraEncamientosEventosLlagaresPSLASidreturismu

Sidracrucis’22 ¡La procesión más sidrera!!

Tres les llimitaciones impuestes pol andanciu del Covid-19 que llevó a suspender la edición de 2020 y a facer “a mediu gas” el Sidracrucis’21, esta nuea edición tópamos a toos y toes con más ganes de sidre y folixa que nunca, por eso esti Sidracrucis va ser muncho, ¡porque ye lo que mos pide’l cuerpu!

LA SIDRA.- Anque tovía ensin trayeutu definíu, por mor de la falta de concreción de les midíes sanitares que podrán tar vixentes pa entós, too paez indicar que la normalidá va avanzando pasu ente pasu, y qu’esti añu podremos rializar l’ansiáu Sidracrucis con tol puxu del mundiu, entonando’l tradiciona hinu de :

“Xermanín, Xermanín / echa un culete / Xermanín, Xermanín / echa un culín. / ¡Échalu, dende bien altu!! / ¡Échalu, qu’espalme bien!!”

El percorríu definitivu espera facilitase nesta mesma selmana, y dirá dándose cuenta conforme s’afite, pero de lo que tamos ciertos ye de qu’esti añu’l Sidracrucis va superase. Como davezu, habrá autocares que saldrán d’Uviéu y Xixón, nun faltará la música’l país, la sidre, y un par d’espiches curioses pa sacar el cuerpu de mal añu.

Como ye normal, el númberu places sedrá llimitáu, esti añu más tovía poles sides de sobra conocíes, y les inscripciones puen dir rializándose yá, faciendo l’ingresu (70 € / 60 € pa miembros del Clú de LA SIDRA y grupos de 5 p’allantre). L’ingresu hai que facelu poniendo nome y el conceutu ‘Sidracrucis ’22’ nel númberu cuenta de la Fundación Asturies XXI:  ES 09  0081  5157  600001228623

Más información:

info@lasidra.as

T. / Whastsapp 652 594 983

¿QUÉ YE’L SIDRACRUCIS? / ¿EN QUÉ CONSISTE? / PERCORRÍU SIDRACRUCIS’22 / VIDIOS Y SEMEYES

PRIMER SIDRE L’AÑU

 

(Visited 1.421.040 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies