Semeya: Varsovia
La coctelería más curiosa de Asturies recupera la tradición europea de beber sidre o vinu caldio, protagonistes d’apetecedores amiestos para l’iviernu
LA SIDRA.- Entá queda fríu per delantre y esti llévase muncho meyor con un tragu templáu y reconfortante… ¡sobromanera si lu tresnen n’una de les meyores cocteleríes del país! Varsovia, en Cabrales 18, Xixón, recuperó la tradición europea de beber sidre y vinu caldio, y convertilos nos protagonistes de creativos cócteles.
“El fríu combatióse dende fai miles d’años con intenses y arumoses bébores que tienen como base vinu cocináu a poco fueu con ingredientes como miel, azucre, clavu, canela, vainilla, anís, piel de naranxa o llimón… Ye’l casu del vigorizante Conditum paradoxum de los exércitos de Roma o del popular glühwein alemán (vinu encendíu) típicu de los mercaos navidiegos. Pero tamién, hai otra estrella indiscutible nestos orixinales cócteles: la sidre caldio, qu’en países como Estaos Xuníos, Canadá o Inglaterra suelse preparar con canela, naranxa, mazana, nuez moscada, clavu, mantequilla… Ente los cócteles calientes con esti ingrediente destaquen dalgunos como ‘El Llar’, que se prepara con vermú de sidre, una sidre especiada por Borja Cortina y el so equipu de bartenders, y que tamién lleva bourbon ente otros ingredientes” señalen dende la empresa y amiesten: “Toos estos cócteles –y munchos más puen esfrutase en Varsovia, “mientres ún maravíase, bien calentín, con vistes a la Badea de Xixón”. Más cócteles que preparen son ‘Hot Toddy’, con güisqui, té, miel, zusmiu de llimón y sirope d’azucre o ‘Hot Buttered Rum, con ron, miel, mantega y especies. Anque tamién hai sitiu pa los tradicionales como’l ‘Carajillo con nata’ o l’Irlandés’.
La sidre caldio foi tradicionalmente consumío n’Asturies, polo xeneral con zucre o miel, corteya de naranxa o llimón y canela. Sicasí, nos tiempos caberos, el so consumu foi amenorgando, quedando restrinxío al ámbetu familiar, anque con iniciatives como les del Varsovia, ye fácil de recuperar esta prestosa bébora.
