Inicio > Chigres > XVIII Festival de la Sidra de Navia
ChigresChigresCultura sidreraEncamientosEventosEventosGastronomíaLlagaresLlagaresSidreturismuTasties

XVIII Festival de la Sidra de Navia

Güei, 10 d’agostu, cellébrase en Navia’l festival sidreru más importante del ocidente asturianu.

LA SIDRA.- Entamará al meudíi colos cancios de chigre pelos chigres de Navia, con presencia del coru Villa de Navia, el coru El Liceo, Fran Pola y Odón del Paganéu y el grupu L’Atalaya.

Arriendes d’ello, y demientres tol díi, ca chigre ufre una tapa con botella de sidre por 10 €.

De magar les 18:30 hores tendrá llugar la tradicional degustación de sidre, qu’esti añu sedrá de los llagares: Solleiro, Castañón, Trabanco, Roza,Foncueva, Vigón, Viuda de Angelón, Peñón, Viuda de Corsino, Vallina, y Zapatero. Asina mesmo, tamién se cuntará con productos asturianos de la quesería Abredo y el reconocíu asador/parrilleru El Pintxu. Too ello amenizao pola música de Tejedor y Los Gascones

El sistema sedrá l’avezáu de mercar un vasu comemorativu d’esti XVIII Festival de la Sidre pa esfrutar de tola sidre presente, y esti añu inclúise a la venta una pañoleta qu’aportará collor y asturianía al eventu.

Ente les 21:30 y les 23:45 dos pareyes de gaita y tambor de La Reina del Truébano percorrerán los chigres de la villa.

Amás, esti añu preséntase el Pasaporte Sidreru 2018, col que, al consumir sidre los díis 10, 11 y 12 nos chigres participantes: Boquete, Mesón El Cabo, Sidrería Antolín, Sidrería La Villa, El Chigrín del Puerto, La Magaya y Sidrería Cantábrico; los sidreros podrán pidir que-yos sellen el mesmu, pa una vegada que se tean los siete sellos participar nel sortéu de 300 euros y una cena menú especial, con circuitu de spa pa dos presones nel Hotel Restorán Blanco. El sortéu públicu tendrá llugar el llunes 13 a les 19 hores n’El Liceo.

(Visited 599.791 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies