La Tastia Abierta al Públicu del Salón Internacional de les Sidres de Gala llega tres d’una intensísima xornada que va pasar a la hestoria como’l díi en que les ciudaes europees de la sidre sellaron el so compromisu de collaboración, cola robla per parte de 18 autoridaes istitucionales del continente del Protocolu d’adhesión a la Rede de Ciudaes Europees de la Sidre
Güei ye’l díi. La Cata Abierta al Públicu ye una de les xornaes clave del Salón Internacional de les Sidres de Gala, na que los llagareros participantes dan a conocer los sos productos al gran públicu.
Esta xornada, ufre la posibilidá de conocer la ufierta sidrera esistente a nivel mundial y los asistentes non solo van poder tastiar los productos presentaos, sinón que tamién van tener la oportunidá de entablar relación colos mesmos llagareros que-yos esplicarán el procesu d’ellaboración, les cualidaes organolépticas de caúna de les sidres y les sos posibles harmonizaciones. Tamién los llagareros asturianos tienen sorpreses para quien allegue a la preba, con formatos y propuestes sidreres anovadores dientro la tradición sidrera asturiana. Amás, como novedá esti añu, va haber productos a la vienta.
Quien quiera conocer de primer man les sidres más sorprendentes, tien una cita güei nel Pabellón de Congresos de la Feria de Muestres, onde, de 12 a 15 y de 17 a 20:00 hores, por solu diez euros, van poder probase 287 tipos de sidra de 92 llagares, la cifra más alta de participación desque se celebra’l SISGA.
Amás, mientres la Tastia Abierta al Públicu realizaránse tasties guiaes de 30 a 40 minutos.
Horarios:
12:00 – Apertura 12:15
a 12:45 h. Tastia guiá de sidre del llagar Manufactur Jörg Geiger, a cargu del llagareru Jörg Geiger
13 a 13:30 h. Charra y tastia de sidre chileno al cargu de Pascual Ibáñez, Sumiller autor de ‘Guía de la Sidra en Chile’
13:45 a 14:15 h. Tastia guiá de productos del llagar Viuda de Angelón, a cargu del llagareru Francisco Ordóñez
15:00 – Descansu.
17:00 h. – Reapertura de la Tastia Abierta al Públicu
17:15 a 17:45 h. Tastia guiá de sidre del llagar Mr. Plume, al cargu de los llagareros Dace Smiltniece y Māris Plūme
18:00 a 18:30 h. Charra ‘El papel de los hosteleros na prescripción de la sidra’, con degustación de sidra portugués al cargu de Mª José Oliveira -Sidraría Celta Endovélico- y Jaime Filipe Barro -Portal da Sidra-
18 45 a 19:15 h. Tastia guiá de sidre del llagar irlandés Stonewel Cider, por Eamon Lucey.
20:00 Preslle
