Inicio > Eventos > Intensísima Xornada Sidrera nel SISGA
EventosEventosSISGA

Intensísima Xornada Sidrera nel SISGA

La xornada d’ayeri tuvo apinada d’eventos de gran relevancia, destacando la firma per parte 18 representantes institucionales del continente del Protocolu d’adesión a la Rede de Ciudaes Europees de la Sidre y les deliberaciones del Xuráu de los Premios SISGA

El día entamó ceo, cola xunta del xuráu, compuestu por un representante de cada llagar participante y presidíu por Manuel Busto, pa valorar cuáles de les sidres presentaes a concursu merecen ganar un de los prestixosos premios SISGA. Les presentaes dientro de ca categoría yeren bien numberoses, polo que, anque se partió’l trabayu en delles meses, les deliberaciones duraron hasta entrada la tarde. Los resultancies conoceránse la mañana del domingu.

Coles mesmes, los representantes de los llagares que nun formen parte del xuráu realizaron una visita al Muséu del Pueblu d’Asturies, onde amás recibieron una clase d’echar sidre de ma del echador de campeonatu, Abraham Castellanos, de la Sidrería Fonte Villoria.

Les autoridaes desplazaes pa la firma de la Rede Europea de la Sidre xunto con numberosos ellaboradores asistieron a dos charres sobro les posibilidaes qu’esti formatu ufierta pal futuru de la sidre nel continente. Augusto Paramio, Coordinador de CERV y Europa Creativa Cultura, Ministerio Cultura y Deporte el Puntu Européu de Ciudadanía, del Ministeriu de Cultura impartió la charra ‘Financiamientu européu pa los conceyos: programa CERV’ . De siguío realizóse’l taller ‘Rede Europea de Ciudaes de la Sidra’, perspectives y planificación’, al cargu de Marcos A. Fernández, Presidente de la Fundación Asturies XXI.

Dempués de la posa pa comer, nel Restorán Finca El Duque, los participantes averáronse a la Casa Conceyu de Xixón pa ser testigos de la firma de la constitución de la Rede Europea de ciudaes de la Sidre per parte d’autoridaes de la República Checa, Madeira, Tenerife, Servoz (Francia) Sain Marcel (Italia) Kuartango (País Vascu), Portugal, Valleseco (Gran Canaria) y, como representación asturiana, Nava, Cangues d Onís, y Xixón.

L’entamu d’esta rede, como afirmó Marcos Abel Fernández, presidenó una afirmación de la identidá histórico cultural xunío a la sidre y la mazana y, de la mesma, una promoción de la cultura de la sidre, nun momentu nel que s’atopa a les puertes de que la reconoza como padremoñu inmaterial de la humanidá pola Unesco”.

De siguío, el continxente internacional foi a Nava, al Muséu de la Sidre, onde tuvo llugar una interesante disertación de Tatsuro Fuji, llagareru xaponés qu’atopó en Asturies la inspiración pa la so sidre y qu’ufiertó los sos productos a los presentes.

Tres la visita al Muséu, los participantes conocieron en directu un llagar asturianu, Sidra Roza, llagar ganador del galardón a la Meyor Primer Sidre l’Añu 2023, onde pudieron preguntar les sos duldes a Juan Roza, el so propietariu.

La intensa xornada remató con una espicha nel Llagar de Sorribas, na que munchos de los asistentes punxeron a preba les conocencies adquiríes nel taller d’echar sidre de la mañana.

(Visited 2.557.407 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies