Inicio > Llagares > Trazabilidá de la Sidre d’Asturies DOP
Llagares

Trazabilidá de la Sidre d’Asturies DOP

El proyeutu collaborativu ente la COP y la CTIC consigue a traviés de teunoloxía Blockchain desendolcar un sistema públicu de trazabilidá de la Sidre d’Asturies DOP

LA SIDRA.- Conocer la trazabilidá de la sidre asturiano yá ye una rialidá, disponiendo d’información ampliao sobro l’orixe y el procesu seguíu pa ellaborar les sidres comercializaes baxo les marques collaboraores  nel proyeutu cola Fundación Cientru Teunolóxicu de la Información y la Comunicación (CTIC): Val de Boides, Val d’Ornón y Menéndez Ecolóxico.

Gracies a ello, el veceru podrá aceder a esta información al traviés d’una aplicación a la que pue aportase:

  • Introduciendo la direición https://sidradop.ctic.es
  • Escaneando’l códigu QR qu’apaez nes etiquetes comerciales de les marques collaboraores Val de Boides, Val d’Ornón y Menéndez Ecolóxico

Una vuelta na pantalla d’aniciu introduzse’l númberu qu’apaez nel precintu oficial del Conseyu Regulaor que ta adheríu a la botella. Tres introducir esti númberu, l’usuariu tein de picar el botón “ver traza” y l’aplicación amosará-y tola información sobro la sidre, l’orixe de la mazana, les variedaes utilizaes, notes de tastia, llote de comercialización y otros datos clave alrodiu del procesu d’ellaboración seguíu.

Per aciu d’esti proyeutu, el Conseyu Regulaor en collaboración col CTIC Cientru Teunolóxicu refuercia’l so apueste pola anovación asociada a la ellaboración de la DOP Sidre d’Asturies baxo cuyu nome s’identifica la sidre con garantía d’orixe y calidá producíes n’Asturies.

Los finxos xenerales del proyeutu son:

  • Afitar la seguranza y enfotu na trazabilidá de la DOP Sidre d’Asturies al traviés de sistemes aceptaos globalmente.
  • Introducir al os llagares en productos y servicios de calter teunolóxicu que permitan ameyorar la so imaxe y competitividá nel mercáu.
  • Incrementar l’enfotu del veceru ufriéndo-y información ampliao sobro l’orixe y el procesu siguíu polos productos que consume
  • Meyora d’imaxe de marca
(Visited 865.821 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies