Inicio > Eventos > XXII Preba de la Sidre y Díi Mundial de la Sidre en Gascona
EventosEventosGastronomíaLlagaresTasties

XXII Preba de la Sidre y Díi Mundial de la Sidre en Gascona

Estos dos eventos enártense dientru l’anunciada –y conflictiva- campaña de la Casa conceyu de la capital asturiana ‘Uviéu,  capital de la sidre’

LA SIDRA.- Va cellebrase del 30 mayu al 5 de xunu, magar del 30 al 2 de xunu les actividaes van llindase a la presencia de la ‘Xarré de la Sidre’ na Plaza la Catedral.

El vienres 3 de xunu cellebraráse’l llamáu ‘Díi Internacional de la Sidre’, cellebración sobro la que nun hai consensu, pero qu’adulces paez dir imponiéndose. Esta xornada va cuntar col siguiente programa:

  • 13:00 h. Pregón al cargu de Juan Ramón Lucas, direutor de “La brúxula” d’Onda Cero, y brinde coles autoridaes en Gascona amenizao cola actuación de la Rial Banda de Gaites Ciudá d’Uviéu.
  • Xarré de la sidre na Plaza la Catedral
  • Xornaes Gastronómiques Díi Mundial de la Sidre 21:30h.
  • 21:300 h. Conciertu de Folk con “Rubén Diez Trio” en Cai Gascona.

El sábadu 4 de xunu, les actividaes van ser:

  • De 12:30h a 13:30h. Folclore na Cai Gascona
  • Xarré de la sidre na Plaza la Catedral
  • Xornaes Gastronómiques Díi Mundial de la Sidre
  • 20:00h. Conciertu de “Les Pandereteres Melgueres” en Cai Gascona
  • 21:30h. Conciertu de Folk de “Baxel” en Cai Gascona

Y presllando esta selmana sidrera, el domingu 5 xunu cellebraráse la yá mítica XXII Preba de la Sidre de Gascona, col programa que vien darréu:

  • 12:00 h. Pregón de Laude Martinez y apertura de la Preba Popular

Por namás 6 € mércase la papeleta de votación y vasu de sidre comemorativu, llápiz y un pañuelu identificativu que da drechu a prebar llibremente la sidre de tolos llagares y votar la que más te preste.

Los Llagares participantes son: Vigón, Viuda de Angelón, Cortina, Castañón, JR, Orizón, Vda. De Corsino, Muñiz, Menéndez, Fonciello, Herminio, Trabanco, La Llarada, Roza, El Gobernador, Vallina, Peñón, Llaneza, Cabueñes, La Morena

  • 12 a 14:30 h. Votación Popular
  • 12 a 14 h. Preba Oficial, con xuráu compuestu por Mino Villarrica de presidente, Gumersindo Martínez., Orlando Valledor, Juan Millar, Loreto García y Uría.
  • L’echaor va ser Wilkin Aquiles, actual campeón de Asturies
  • 15:15 h. Entrega Premios a los dos llagares ganaores nes respeutives categoríes de la Preba (oficial y popular)


(Visited 2.445.654 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies