Rosalía Ornia, de Feleches, impúnxose claramente nel Memorial Mundo Collada
LA SIDRA.- El domingu 22 d’ochobre cellebróse, na Plaza’l Güevu de Villaviciosa, la VI Edición del Concursu de Sidre Casero d’Asturies “Memorial Mundo Collada 2023”, entamada pola Asociación Fomento de la Sidre Tradicional Asturiana y cola collaboración del Conceyu Villaviciosa.
Nel certame participaron 37 llagareros d’estremaos conceyos. Les eliminatories tuvieron llugar el pasáu xueves na plaza abastos, y dexaron un total de namás 12 finalistes. Los cualos pasaron a la final esti domingu, mentes el públicu esfrutaba de la preba popular de toles sidres presentaes.
El primer premiu otorgóse a Rosalía Ornia, de Feleches, Siero, de manos y el premiu foi apurríu pol alcalde de Villaviciosa, Alejandro Vega. El segundu premiu llevólu Jorge Ceñal de Fano, Xixón; el terceru foi para Vicente Ardura de Polio, Mieres; en cuarta posición Delfina Llera, Villaescusa, Colunga; y en quinta posición Miguel Ángel Pontón, de Villaviciosa
