Inicio > Cultura sidrera > Xornada de Tastia Abierta del SISGA’18
Cultura sidreraEncamientosEventosEventosGastronomíaInternacionalLlagaresLlagaresSidreturismuSISGATasties

Xornada de Tastia Abierta del SISGA’18

La Tastia Abierta ye una de les xornaes clave nesti Salón Internacional de les Sidres de Gala, yá que ye’l díi nel que los ellaboraores participantes dan a conocer los sos productos al gran públicu.

La Fundación Asturies XXI tuvo dende’l so entamu como ún de los sos finxos cimeros, dar a conocer les innovaciones que tan dándose dientru’l seutor sidreru munical. Ca añu los llagareros saquen al mercáu estremaes propuestes con una calidá estraordinaria. Propuestes que, si nun fuera por esti congresu, sedríen imposibles de conocer nel territoriu español. D’ende la importancia d’esti eventu. Demientres tou un díi el públicu podrá degustar estremaes trives de sidre provinientes de distintos países nun únicu espaciu, o meyor dicho, nun “espaciu únicu”.

El Palaciu Revillaxixéu ye ún de los símbolos más importantes de Xixón. Esti añu, y por mor del gran ésitu de les ediciones anteriores, amás d’utilizar la Colexata de San Xuan Bautista asitiada a un llau de la edificación, la tastia abierta del SISGA’18 estenderáse al propiu patiu del Palaciu yá que’l certame cunta esti añu con más espositores internaciones. Hai de solliñar qu’esti edificiu, d’estilu barrocu, ta compuestu por dos turrixones almenaes de cuatro altures y un cuerpu cientral de trés. Nesti caberu puen adicase estremaos ellementos d’ornamentación destacnado l’escudu heráldicu de la fachada y les sos colunes xóniques, toscanes y d’orde compuestu. Un escenariu escepcional nel cascu antiguu xixonés.

Los asistentes non solo podrán degustar los productos presentaos, sinon que tamién tendrán la oportunidá d’entablar rellación colos propios llagareros que-yos desplicarán el procesu d’ellaboración, les cualidaes organoléptiques de cauna les sidres y les sos posibles harmonizaciones.

Amás, nesti SISGA’18 dispónse d’una fastera especial de tastia n’onde se fadrán de contino muestres por parte los ponentes y d’especialistes nesta bébora. Per otru llau, espondránse estremaos productos rellacionaos cola sidre tanto pa consumu como pal so serviciu.

VIII SALÓN INTERNACIONAL DE LES SIDRES DE GALA -SISGA’18-

VER ARTÍCULU LA SIDRA PREMIOS SISGA’17 / VER SEMEYES DEL SISGA’17

(Visited 598.997 times)

One thought on “Xornada de Tastia Abierta del SISGA’18

Comments are closed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies