Inicio > DOP Sidre d'Asturies > Esperiencia Collecha con DOP
DOP Sidre d'Asturies

Esperiencia Collecha con DOP

Cellebraráse’l prósimu vienres 27 d’ochobre, visitándose la pumarada Rancho Dosil y el Llagar Herminio

LA SIDRA.- El Conseyu Regulador ufierta, ca añu, una actividá guiada camentada pa los profesionales del sector de la comunicación, onde vivir una esperiencia real de la campaña de recoyida de la collecha de mazana.

Con esta esperiencia pretende afondase na conocencia del productu y los sos raigaños, asina como’el sector agrícola ya industrial del que forma parte la Denominación d’Orixe Sidre d’Asturies.

La participación na mesma ta acutada a:

  • Prensa y medios de comunicación.
  • Organismos de representación y Asociaciones d’Hostelería y Turismo
  • Entidaes pal fomentu del Turismu Gastronómicu
  • Blogueros Gastronómicos

Demientres la mesma visitaráse la pumarada Ranchu Dosil en Carbaínos, onde va poder esfrutase de la esperiencia collecha “in situ”, la recoyida de variedaes de la riega, durona de Tresali, raxao, regona, verdialona en llantíu en semienano, la desplicación sobro la campaña, momentos de la recoyida asina como maduración de les mazanes, el so treslláu al llagar y los controles que sobro los mesmos faen los servicios técnicos del Conseyu Regulador.

Darréu va visitase’l Llagar Herminio onde se va ver la recepción de la mazana nel mazaneru, la so escoyida y el so posterior mayáu, pa rematar con una espicha en dichu llagar.

 

 

(Visited 2.557.722 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies