Inicio > Cultura sidrera > Sidre na alcordanza
Cultura sidreraImaxeLlagares

Sidre na alcordanza

La sidre axampanao empicipió a fabricase n’Asturies nel sieglu XIX pa ser esportao al comerciu de ultramar.

LA SIDRA.- La sidre esplumoso o champagne nun ye nueva n’Asturies. Y anque dalgunes de les marques más conocíes entá siguen n’activu, como El Gaiteru o Mayador, otres quedaron na alcordanza en forma de preciosa publicidá antiguo, tantu en cartelos y etiquetes como n’azulexos.

Asina atopamos cola sidre Vereterra y Cangas, de Xixón, ciudá que dedicó una cai al so fundador Zarracina en 2001 y que la so fábrica yera provisora de la Casa Real.

L’Horru, la gran sidre champagne de Colunga, patrocinó al Gaiteru de Lliberdón nos sos entamos internacionales na Expo de París de 1900 y a “starlettes” estranxeres de moda como Lorraine Dreux.

Delles marques llevaben como nome’l xentiliciu del pueblu del fabricante, como La Polesa, La Camuñesa, La Praviana o La Carbayona, que curiosamente fabricábase en Xixón.

Una sidre que venceyaba’l so nome a una ancestral tradición asturiana yera El Guirrio de La Felguera, cuyu nome recordaba al personaxe más típicu del Antroxu nos conceyos de Samartín del Rei Aureliu y Llangréu (tamién llamáu sidru en Siero y Bimenes).

La monarquía astur tamién taba presente nos nomes de la sidres champagne. Asina lo vemos na marques Pelayo, Don Damián, Princesa d’Asturies, cuyos dueños yeren los de la cerveza La Águila Negra de Cualloto, o Reina Victoria, de la Champanera de Villaviciosa y provisora de la Casa Real demientres años.

Otres empreses d’esti seutor yeren Industries Cima, en Cualloto, La Reina d’Asturies en Grau, L’Asturiana de Caravia o la bien reconocida L’Osu n’Avilés.

Y en Xixón abondaben les marques de sidra champagne, tales como L’Aldeana, El Cielu d’Asturies, L’Asturianu, La Belleza, La Providencia o El Musel.

Fonte: Revista La Piedriquina

(Visited 864.669 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies